ହାଇଦ୍ରାବାଦ: ଲକ ଡାଉନରେ ଗାଡି ଚାଳକଙ୍କ ଠାରୁ ଲାଞ୍ଚ ନେଇ ଫସିଲେ ପୋଲିସ କନେଷ୍ଟବଳ । ହାଇଦ୍ରାବାଦର 2 ଜଣ କନେଷ୍ଟବଳଙ୍କୁ ସେମାନଙ୍କ କାର୍ଯ୍ୟରୁ କରାଯାଇଛି ନିଲମ୍ବିତ । ସାରା ବିଶ୍ବ ମହାମାରୀ କୋରୋନା ସହ ଲଢୁଥିବା ବେଳେ ପୋଲିସ,ଡାକ୍ତରମାନେ ଏହା ସହ ଲଢେଇ କରି ନିଜର କର୍ମକୁ ଦେଇଛନ୍ତୁ ଅଧିକ ଗୁରୁତ୍ବ ।
କିନ୍ତୁ ଏଭଳି ସ୍ଥିତିରେ ଏଭଳି ଛୋଟ କାମ କରିବାକୁ ପଛାଉନାହାଁନ୍ତି କିଛି ପୋଲିସ କର୍ମୀ । ତେବେ ଲାଞ୍ଚ ନେଉଥିବାର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏକ ଅଟୋ ଚାଳକଙ୍କ ଠାରୁ ଲାଞ୍ଚ ନେଇଛନ୍ତି ପୋଲିସ କନେଷ୍ଟବଳ । ତେବେ ଭିଡିଓ ଭାଇରାଲ ହେବାର କିଛି ସମୟ ଭିତରେ ହାଇଦ୍ରାବାଦ ପୋଲିସ ପକ୍ଷରୁ ଦୁଇ ଜଣଙ୍କୁ ନିଲମ୍ବିତ କରାଯାଇଛି ।
