ମହାରାଷ୍ଟ୍ରର କେମିକାଲ କାରଖାନାରେ ବିସ୍ଫୋରଣ

ମହାରାଷ୍ଟ୍ର ତାରାପୁର ଶିଳ୍ପାଞ୍ଚଳର ନନ୍ଦୋଲିଆ କେମିକାଲ କାରଖାନାରେ ବଡ ଧରଣର ବିସ୍ଫୋରଣ ଘଟିଛି । ରାସାୟନିକ ପ୍ରକ୍ରିୟା ସମୟରେ ଏହି ବିସ୍ଫୋରଣ ଘଟିଛି ।

ମୁମ୍ବାଇ: ମହାରାଷ୍ଟ୍ର ତାରାପୁର ଶିଳ୍ପାଞ୍ଚଳର ନନ୍ଦୋଲିଆ କେମିକାଲ କାରଖାନାରେ ବଡ ଧରଣର ବିସ୍ଫୋରଣ ଘଟିଛି । ସନ୍ଧ୍ୟା ପ୍ରାୟ 7 ଟା ସମୟରେ ଏହି ବିସ୍ଫୋରଣ ଘଟିଥିବା ଜଣାପଡିଛି । ରାସାୟନିକ ପ୍ରକ୍ରିୟା ସମୟରେ ଏହି ବିସ୍ଫୋରଣ ଘଟିଛି । ତେବେ ବୋଇସର ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁଲିଭା କାର୍ଯ୍ୟରେ ନିୟୋଜିତ ଅଛନ୍ତି ।

ଏହି ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ 10 କିଲୋମିଟର ପର୍ଯ୍ୟନ୍ତ କ୍ଷେତ୍ରକୁ ଦୋହଲାଇ ଦେଇଥିଲା । ଏହାର ପ୍ରଭାବ ସାଲୱାଡ, ପାସ୍ତାଲ, ବୋଇସର, ତାରାପୁର, ଚିଞ୍ଚାନି ଏବଂ ସମସ୍ତ ଉପକୂଳବର୍ତ୍ତୀ ଗ୍ରାମରେ ଦେଖିବାକୁ ମିଳିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ