ପାଟନା: ବିହାର ବିଧାନସଭା ନିର୍ବାଚନରେ ବିଜେପି ଅଧିକ ଆସନ ଜିତିଲେ ବି ନୀତୀଶ କୁମାର ବିହାରର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ବୋଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି। ସେ ଦାବି କରିଛନ୍ତି ଯେ ଏନଡିଏକୁ ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ମିଳିବ।
ସେ ଏହା ମଧ୍ୟ କହିଛନ୍ତି ଯେ ବିହାରର ମୁଖ୍ୟମନ୍ତ୍ରୀ ଚେହେରା ଭାବେ ନୀତୀଶଙ୍କୁ ବିଜେପି ସର୍ବସାଧାରଣରେ ଘୋଷଣା କରିଛି। ନୀତୀଶ କୁମାର ବିହାରର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ବୋଲି ସେ କହିଛନ୍ତି।
ବିହାରରେ ଶାସକ ଦଳରୁ ବାହାରିଯାଇଥିବା ଲୋକ ଜନଶକ୍ତି ପାର୍ଟି ବିଷୟରେ ଶାହା କହିଛନ୍ତି ଯେ ଦଳକୁ ପର୍ଯ୍ୟାପ୍ତ ଆସନ ଦିଆଯାଇଥିଲା କିନ୍ତୁ ତଥାପି ସେ ମିଳିତ ମେଣ୍ଟରୁ ଦୂରେଇ ଯାଇଛନ୍ତି। ଶାହା ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ବିହାର ନିର୍ବାଚନ ପରେ ଏଲଜେପିର ଏନଡିଏକୁ ଫେରିବାର ସମ୍ଭାବନା ରହିଛି ।
