ନୂଆଦିଲ୍ଲୀ: ଶ୍ରୀଲଙ୍କା ଭଳି ଭାରତରେ ମଧ୍ୟ ବ୍ୟାନ ହେବ ବୁର୍ଖା । ସମସ୍ତ ସରକାରୀ ଏବଂ ବେସରକାରୀ ସଂସ୍ଥାନ ଗୁଡିକରେ ବୁର୍ଖା ଏବଂ ମୁଖା ଉପରେ ପ୍ରତିବନ୍ଧକ ଲଗାଇବାକୁ ଗୃହ ସଚିବ ରାଜୀବ ଗୋବାଙ୍କୁ ଚିଠି ଲେଖିଛନ୍ତି ହିନ୍ଦୁ ସେନା ପ୍ରମୁଖ ବିଷ୍ଣୁ ଗୁପ୍ତା । ଏଭଳି ବସ୍ତ୍ର ପରିଧାନ କରି ଆତଙ୍କବାଦୀ ନିଜ ଚେହେରା ଲୁଚାଇ ବିଭିନ୍ନ ଆତଙ୍କବାଦୀ କାଣ୍ଡ ଭିଆଉଛନ୍ତି । ଖୁବ ସହଜରେ ବିଭିନ୍ନ ସଂସ୍ଥାରେ ପ୍ରବେଶ କରି ପାରୁଛନ୍ତି ଏବଂ ସିସିଟିଭିରୁ ମଧ୍ୟ ରକ୍ଷା ପାଇଯାଉଛନ୍ତି ।
ତେଣୁ ଶ୍ରୀଲଙ୍କା ଭଳି ଭାରତରେ ମଧ୍ୟ ବୁର୍ଖା ଉପରେ ପ୍ରତିବନ୍ଧକ ଲଗାଇବାକୁ ଚିଠି ମାଧ୍ୟମରେ ଅନୁରୋଧ କରିଛନ୍ତି ବିଷ୍ଣୁ । ଏହା ସହିତ ଚିଠିରେ ସେ ଆତଙ୍କବାଦୀ କାର୍ଯ୍ୟକଳାପ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଏକ ଉପଦେଶ ମଧ୍ୟ ଦେଇଛନ୍ତି । ଆତ୍ମଘାତୀ ଆକ୍ରମଣକାରୀ ଏବଂ ଆତଙ୍କବାଦୀଙ୍କୁ ନିପାତ କରିବା ପାଇଁ ସେମାନଙ୍କର ନୀତି ଆପଣାଇବା ଉଚିତ ବୋଲି ସେ କହିଛନ୍ତି ।
ସୂଚନା ଯୋଗ୍ୟ ଯେ, ଶ୍ରୀଲଙ୍କାରେ ଇଷ୍ଟର ପର୍ବରେ ଆତ୍ମଘାତୀ ଆକ୍ରମଣ ହୋଇଥିଲା । ସେଥିରେ 250 ରୁ ଉର୍ଦ୍ଧ୍ବ ଲୋକଙ୍କମ ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିଲେ । ଆତଙ୍କବାଦୀ ବୁର୍ଖା ପରିଧାନ କରି ଏହି କାଣ୍ଡ ଭିଆଇଥିଲେ । ଯାହା ପରେ ଶ୍ରୀଲଙ୍କାରେ ବୁର୍ଖା ଉପରେ ପ୍ରତିବନ୍ଧକ ଲଗାଇଥିଲେ ସରକାର ।
