ମୁମ୍ବାଇ: ସୀମାରେ ଜାରି ସଂଘର୍ଷ ମଧ୍ୟରେ ସାଇବର ଅପରାଧକୁ ନେଇ ଏକ ବଡ ତଥ୍ୟ ସାମ୍ନାକୁ ଆସିଛି । ଚୀନର ହ୍ୟାକରମାନେ ଗତ 5 ଦିନ ମଧ୍ୟରେ ଭାରତର ଆଇଟି ଏବଂ ବ୍ୟାଙ୍କିଙ୍ଗ୍ ସେକ୍ଟର ଉପରେ 40 ହଜାର ସାଇବର ଆକ୍ରମଣ କରିଥିବା ନେଇ ମହାରାଷ୍ଟ୍ରର ଜଣେ ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି ।
ଗତ 5 ଦିନରେ 40 ହଜାର ସାଇବର ଆକ୍ରମଣ କରିଥିଲେ ଚୀନ ହ୍ୟାକର
ଏହି ଘଟଣା ନେଇ ମହାରାଷ୍ଟ୍ର ସାଇବର ଏବଂ ରାଜ୍ୟ ପୋଲିସ ସାଇବର ଓ୍ବିଙ୍ଗ୍ ତଥ୍ୟ ଯୋଗାଡ କରିଥିଲା । ଏହି ତଥ୍ୟରୁ ଅଧିକାଂଶ ସାଇବର ଆକ୍ରମଣ ଉଦ୍ୟମ ମଧ୍ୟରୁ ଅଧିକାଂଶ ଚୀନର ଚେଙ୍ଗୁଡୁ ଅଞ୍ଚଳରୁ ବୋଲି ଜଣାପଡିଛି । ସୂଚନା ଅନୁସାରେ ପାଖାପାଖି 40 ହଜାର 3 ଶହ ସାଇବର ଆକ୍ରମଣ ଗତ 5 ଦିନ ମଧ୍ୟରେ ହୋଇଥିଲା ।
ଇଣ୍ଟରନେଟ ପ୍ରୋଟୋକଲକୁ ହାଇଜ୍ୟାକ କରିବା ଏବଂ ଫିସିଙ୍ଗ ଭଳି ସମସ୍ୟା ସୃଷ୍ଟି କରିବାକୁ ଲକ୍ଷ୍ୟ ରଖାଯାଇ ଏହି ସାଇବର ଆକ୍ରମଣ କରାଯାଇଥିଲା । ଭାରତୀୟ ଇଣ୍ଟରନେଟ ବ୍ୟବହାରକାରୀମାନେ ଏଭଳି ଆକ୍ରମଣର ବିପଦ ପ୍ରତି ଧ୍ୟାନ ଦେବା ଦରକାର ବୋଲି କହିଛନ୍ତି ପୋଲିସ ଆଇଜି ଯଶସ୍ବୀ ଯାଦବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
