ଜୟପୁର: ପ୍ରବଳ ବର୍ଷା ଯୋଗୁଁ ବେହାଲ ଗୋଲାପୀ ସହର ଜୟପୁର । ଗତ ଦୁଇ ଦିନ ଧରି ଜୟପୁରରେ ବର୍ଷା ଲାଗି ରହିଥିବାରୁ ରେଡ୍ ଆଲର୍ଟ ଜାରି କରିଛି ପାଣିପାଗ ବିଭାଗ । ଏହି ଦୁଇ ଦିନ ମଧ୍ୟରେ ଏଠାରେ ବର୍ଷା ହେତୁ ଆଠ ଜଣଙ୍କର ମୃତ୍ୟୁ ଘଟିଛି। ପ୍ରବଳ ବର୍ଷା ଯୋଗୁଁ ସହର ହଜାର ହଜାର କୋଟି ଟଙ୍କା ହରାଇଛି । 15 ଅଗଷ୍ଟରେ ଦିନସାରା ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଦୁଇଟି ମୃତଦେହ ବାହାର କରାଯାଇଥିଲା ଏବଂ କାଦୁଅ ଆବର୍ଜନାରୁ ଡର୍ଜନ ଡର୍ଜନ ଗାଡି ବାହାର କରାଯାଇଥିଲା।
ଜୟପୁର ସହରର କିଶନଗଡର ଭଟ୍ଟା ବସ୍ତିରେ 30 ଘଣ୍ଟାର ଉଦ୍ଧାର କାର୍ଯ୍ୟ ପରେ ଜଣେ ଯୁବକଙ୍କ ମୃତଦେହକୁ ମାଟିରୁ ବାହାର କରାଯାଇଥିଲା। ତେବେ ପ୍ରବଳ ବର୍ଷା କାରଣରୁ ଏହି ଯୁବକ ଜଣକ ଭାସି ଯାଇଥିଲେ । ଶନିବାର ଦିନ, ସିଭିଲ୍ ଡିଫେନ୍ସ ଏବଂ ଏସଡିଆରଏଫର 30 ଜଣ ସ୍ୱେଚ୍ଛାସେବୀଙ୍କ ଏକ ଟିମ୍ ସମଗ୍ର ଅଞ୍ଚଳରେ ମାଟି ଖୋଳି ଯୁବକଙ୍କ ମୃତଦେହକୁ ଉଦ୍ଧାର କରିଥିଲେ ।
ଅନ୍ୟପକ୍ଷରେ, ରିଙ୍ଗ ରାସ୍ତାର ଖନନ ପାଇଁ ନିର୍ମିତ ଏକ ଗର୍ତ୍ତରେ ଶିଶୁର ମୃତଦେହ ମିଳିଥିଲା । ଏଭଳି ଗତ ଦୁଇ ଦିନ ମଧ୍ୟରେ ଆଠ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
