ହାଇଦ୍ରାବାଦ: ସାରା ଦେଶରେ ଜାରି ରହିଛି ଗ୍ରୀଷ୍ମ ଲହରୀ । ପ୍ରଚଣ୍ଡ ଖରାକୁ ଗୁଳୁଗୁଳିରେ ଛଟପଟ ହେଉଛନ୍ତି ସାଧାରଣ ଲୋକ । ତେବେ ବିଭିନ୍ନ ରାଜ୍ୟରେ ରୌଦ୍ରତାପ ଅଧିକ ରହିଥିବାରୁ ହିଟୱେଭ ମଧ୍ୟ ଜାରି ରହିଛି । ଖାସ କରି ତେଲେଙ୍ଗାନା ରାଜ୍ୟରେ ସକାଳ 8ଟା ପରଠାରୁ ଘରୁ ଗୋଡ କାଢିବା ପୁରା ମୁସ୍କିଲ ହୋଇଯାଉଛି ।
ଗରମ ସହ ଗୁଳୁଗୁଳିରେ ସନ୍ତୁଳି ହେଉଛି ଜୀବନ । ସକାଳ 8 ଟାରୁ ସନ୍ଧ୍ୟା 5 ଟା ଯାଏଁ ପ୍ରକୋପ ରହୁଛି । ଯାହା ଫଳରେ ଜରୁରୀ କାମ ନଥିଲେ ଲୋକ ବାହାରୁ ନାହାଁନ୍ତି । ତେବେ ରାଜ୍ୟରେ ଆଗାମୀ 5 ଦିନ ଯାଏଁ ହିଟୱେଭ ଜାରି କରାଯାଇଛି । ଦିନରେ ଟାଣ ଖରା ପରେ କିଛି କିଛି ସ୍ଥାନରେ କାଳବୈଶାଖୀ ହେଉଥିବାରୁ ଆଶ୍ବସ୍ତି ଅନୁଭବ କରୁଛି ଜୀବଜଗତ ।
ତେବେ ଅଲିଦାବାଦ ଓ ମେଦାକ ଜିଲ୍ଲାରେ ସର୍ବାଧିକ ତାପମାତ୍ରା 43.8 ଡିଗ୍ରୀ ରେକର୍ଡ କରାଯାଇଥିବାବେଳେ ସର୍ବଦା ପାରା 40 ପାରେଇ ଯାଉଛି । ଗତକାଲି ଆନ୍ଧ୍ରପ୍ରଦେଶର ବିଭିନ୍ନ ଅଞ୍ଚଳରେ ପାରା 42.4 ଡିଗ୍ରୀ ରହିଥିବାବେଳେ ଆଗାମୀ 5 ଦିନ ଯାଏଁ ତାତିରୁ ନିସ୍ତାର ନାହିଁ ବୋଲି ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି ।
