ନୂଆଦିଲ୍ଲୀ : ପୂର୍ବତନ ଆପ୍ କାଉନସିଲର୍ ତାହିର ହୁସେନଙ୍କ ତିନୋଟି ମାମଲାର ଜାମିନ ଆବେଦନ ଉପରେ ସୋମବାର ଶୁଣାଣି କରିବେ ଦିଲ୍ଲୀର କଡକଡଡୁମା କୋର୍ଟ । ଦିଲ୍ଲୀ ପୋଲିସ କହିଛି ଯେ ଓକିଲ ମନୋଜ ଚୌଧୁରୀ ଚାନ୍ଦବାଗ ପୁଲିଆ ନିକଟରେ ହୋଇଥିବା ସମସ୍ତ ହିଂସା ମାମଲାକୁ ଓକିଲାତି କରିବେ । ଅତିରିକ୍ତ ସେସନ ବିଚାରପତି ବିନୋଦ ଯାଦବ ସମସ୍ତ ତିନୋଟି ଜାମିନ ଆବେଦନର ଶୁଣାଣି କରିବେ । ଦିଲ୍ଲୀ ପୋଲିସ ପ୍ରବର୍ତ୍ତନ ନିର୍ଦ୍ଦେଶାଳୟର ଚନ୍ଦ୍ରବାଗ ପୁଲିଆ ନିକଟରେ ହୋଇଥିବା ହିଂସା ମାମଲାର ଶୁଣାଣି ପାଇଁ ଓକିଲ ମନୋଜ ଚୌଧୁରୀଙ୍କୁ ନିଯୁକ୍ତ କରିଥିଲେ । ଗତ ସେପ୍ଟେମ୍ବର 26 ରେ ମନୋଜ ଚୌଧୁରୀ ଏହି ତିନୋଟି ମାମଲାରେ ଦିଲ୍ଲୀ ପୋଲିସ ପକ୍ଷରୁ ହାଜର ହୋଇ ଶୁଣାଣି ସ୍ଥଗିତ ରଖିବାକୁ ଦାବି କରିଥିଲେ । ଦିଲ୍ଲୀ ଦଙ୍ଗା ପାଇଁ ଦୟହପୁର ପୋଲିସ ଷ୍ଟେସନରେ ହୁସେନଙ୍କ ବିରୋଧରେ ତିନୋଟି ଅଭିଯୋଗ ପଞ୍ଜିକୃତ ହୋଇଛି । ଆଜି (ସୋମବାର) ଜାମିନ ଆବେଦନ ଉପରେ କୋର୍ଟ ଶୁଣାଣି କରିବେ ।
କୋର୍ଟରେ ଦାଖଲ ହୋଇଥିବା ଚାର୍ଜସିଟରେ ତାହିର ହୁସେନ୍ଙ୍କ ସମେତ 15 ଜଣଙ୍କ ବିରୋଧରେ ଅଭିଯୋଗ ହୋଇଛି । ଚାର୍ଜସିଟରେ ତାହିର ହୁସେନ ମୁଖ୍ୟ ଅଭିଯୁକ୍ତ ବୋଲି ଦର୍ଶାଯାଇଛି । ପ୍ରାୟ ଏକ ହଜାର ପୃଷ୍ଠାର ଏହି ଚାର୍ଜସିଟରେ କାଉନସିଲର ତାହିର ହୁସେନଙ୍କ ଭାଇ ଶାହା ଆଲାମଙ୍କ ସମେତ 15 ଜଣଙ୍କ ବିରୋଧରେ ଅଭିଯୋଗ ହୋଇଛି। କ୍ରାଇମବ୍ରାଞ୍ଚ ଚାର୍ଜସିଟରେ ଦର୍ଶାଇଛି ଯେ ହିଂସା ସମୟରେ ଅଭିଯୁକ୍ତ ତାହିର ହୁସେନ ତାଙ୍କ ଛାତରେ ଥିଲେ । ହିଂସା ପାଇଁ ତାହିର 1 କୋଟି 30 ଲକ୍ଷ ଟଙ୍କ ଖର୍ଚ୍ଚ କରିଥିବା ଦର୍ଶାଯାଇଛି । ସେହିପରି ତାହିର ହୁସେନଙ୍କ ବିରୋଧରେ ମନି ଲଣ୍ଡରିଂ ମାମଲା ମଧ୍ୟ ପଞ୍ଜିକୃତ ହୋଇଛି । ଇଡି ମଧ୍ୟ ତାଙ୍କ ଟଙ୍କା ହେରଫେର ନେଇ ଏକ ମାମଲା ରୁଜୁ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
