ଚଣ୍ତିଗଡ: କୋରୋନାକୁ ହରାଇଲେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର । ଗୁରୁବାର ଦିନ ଗୁରୁଗ୍ରାମର ମେଦାନ୍ତ ହସପିଟାଲରୁ ସେ ଡିସଚାର୍ଜ ହୋଇଛନ୍ତି । ଏନେଇ ହସପିଟାଲ ପକ୍ଷରୁ ଏକ ବୁଲେଟିନ ଜାରି କରାଯାଇଛି । ମେଡିକାଲରୁ ଡିସଚାର୍ଜ ହେବା ପରେ ଖଟ୍ଟର ହୋମ କ୍ବାରେଣ୍ଟାଇନରେ ରହିବା ସହିତ ଗୋଟିଏ ସପ୍ତାହ ଧରି ତାଙ୍କର ସ୍ବାସ୍ଥ୍ୟବସ୍ଥା ଉପରେ ନଜର ରଖାଯିବ।
ସେପଟେ, ଚିକିତ୍ସା କରୁଥିବା ଡାକ୍ତର କହିଛନ୍ତି ଯେ ଖଟ୍ଟରଙ୍କ ଠାରେ ସଂକ୍ରମଣର ଲକ୍ଷଣ ନଥିଲା । ଏବେ ସ୍ବାସ୍ଥ୍ୟବସ୍ଥା ଭଲ ରହିଛି । ଏକ ଡାକ୍ତରୀ ଟିମ ତାଙ୍କ ସ୍ବାସ୍ଥ୍ୟବସ୍ଥାକୁ ତଦାରଖ କରୁଥିଲେ । ମୌସୁମୀ ଅଧିବେଶନର ଗୋଟିଏ ଦିନ ପୂର୍ବରୁ ଅର୍ଥାତ ଅଗଷ୍ଟ 25ରେ ଖଟ୍ଟର କୋଭିଡରେ ସଂକ୍ରମିତ ହୋଇଥିଲେ । ଫଳରେ ସେ ନିଜେ ଟ୍ବିଟର ଯୋଗେ ସୂଚନା ଦେଇଥିଲେ ।
@ IANS
