ଭୁବନେଶ୍ୱର: ଜଙ୍ଗଲ ସୁରକ୍ଷାକୁ ନେଇ ପ୍ରସ୍ତୁତ ଓଡ଼ିଆ ଚଳଚିତ୍ର 'ଲାଡ୍ଡୋ: ମାଟିର ମଣିଷ' ର ଶୁଭମହୁରତ ହୋଇଯାଇଛି । ସତ୍ୟଭାମା ସିନେ ପ୍ରଡକ୍ସନ ବ୍ୟାନରରେ ନିର୍ମିତ ନୂଆ ଓଡ଼ିଆ ଚଳଚ୍ଚିତ୍ର 'ଲାଡ୍ଡେ।-ମାଟିର ମଣିଷ'ର ମହୁରତ ପଟିଆସ୍ଥିତ ସାଇ ମନ୍ଦିର ପରିସରରେ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ବିଧାୟକ ଖଣ୍ଡପଡା ଇ. ଦୁଷ୍ମନ୍ତ କୁମାର ସ୍ୱାଇଁ ଯୋଗ ଦେଇ ମହୁରତ କ୍ଲାପ ଦେଇ ଚଳଚ୍ଚିତ୍ରର ଶୁଭାରମ୍ଭ କରିଥିଲେ । ଅନ୍ୟ ମାନଙ୍କ ମଧ୍ୟରେ ଚଳଚ୍ଚିତ୍ରର କଳାକାର ଓ ଟେକ୍ନିସିଆନଙ୍କ ସମେତ ଇଣ୍ଡଷ୍ଟ୍ରି ସହ ସମ୍ପୃକ୍ତ ବହୁ ବ୍ୟକ୍ତି ବିଶେଷ ଯୋଗ ଦେଇଥିଲେ ।
'ଲାଡ୍ଡେ।' କାହାଣୀ
ଏବେ ସୁନ୍ଦର ଏକ ସାମାଜିକ ବାର୍ତ୍ତା ନେଇ 'ଲାଡ୍ଡେ।' ଚଳଚିତ୍ର ପ୍ରସ୍ତୁତି ହେଉଥିବା ବେଳେ ପ୍ରକୃତିକୁ ରକ୍ଷା ପାଇଁ ଜଣେ ପ୍ରକୃତିʻର ସନ୍ତାନ ବା ମାଟିର ମଣିଷ କେଉଁ ପର୍ଯ୍ୟାୟକୁ ଯାଇପାରେ ତାର ନଜିର ଏଥିରେ ଦେଖିବାକୁ ମିଳିବ । ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ସନ୍ତୋଷ ବିଶ୍ୱାଳ । ବିଜୟ ରାଉଳ ସଂଳାପ ଲେଖିଥିବା ବେଳେ ଏଥିରେ ସଙ୍ଗୀତ ଦେଇଛନ୍ତି ସୋମେଶ ଶତପଥୀ । ଡ. ନିର୍ମଳ ନାୟକ ଓ ଜେପି ୱାର୍ଡସ୍ମିଥଙ୍କ ଗୀତରେ କଣ୍ଠଦାନ କରିଛନ୍ତି କୁଲଦୀପ, ଅନନ୍ୟା ଶ୍ରୀତମ ନନ୍ଦ, ଗୌରବ ଆନନ୍ଦ, ଅସୀମା ପଣ୍ଡା ଓ ମଣ୍ଟୁ ଛୁରିଆ । ନୃତ୍ୟ ନିର୍ଦ୍ଦେଶନାରେ ଅଛନ୍ତି ବିଦୁ ସାର ।
ଏହି ଦିନ ପରଦାକୁ ଆସିବ ଫିଲ୍ମ
ଫିଲ୍ମରେ ଅଭିନେତା ଶୁଭମ ସାଗର ମୁଖ୍ୟ ଚରିତ୍ରରେ ନଜର ଆସିବେ । ଯିଏକି ଜଣେ ନାଟ୍ୟ ଅଭିନେତା ଭାବରେ ଅଭିନୟ କରୁଥିବା ବେଳେ ପ୍ରଥମ କରି ସିନେମାରେ ପାଦ ଥାପିଛନ୍ତି । ନାୟକ ଭୂମିକାରେ ରହିଁ ମଧ୍ୟ କାହାଣୀ ଓ ଚିତ୍ରନାଟ୍ୟ ରଚନା କରିଛନ୍ତି ଶୁଭମ ସାଗର । ତେବେ ଫିଲ୍ମର ସୁଟିଂ ଆରମ୍ଭ ହୋଇଥିବା ବେଳେ 2025ରେ ଫିଲ୍ମ ପରଦାକୁ ଆସିବ ।
ଏହା ମଧ୍ୟ ପଢନ୍ତୁ: ଓଡ଼ିଆ ଫିଲ୍ମ 'ବାସ୍ତବ' ଶୁଭ ମହୁରତ, ମୁଖ୍ୟ ଭୂମିକାରେ ନଜର ଆସିବେ ଏହି 'ଆନିମଲ' ଅଭିନେତା
'ଲାଡ୍ଡେ।' ଷ୍ଟାରକାଷ୍ଟ
ଅନ୍ୟ ଭୂମିକାରେ ଶୁଭମ ସାଗର ସହ ମୁଖ୍ୟ ଖଳନାୟକ ଭୂମିକାରେ ସୁଶାନ୍ତ କୁମାର ଓ ନାୟିକା ଭୂମିକାରେ ଅଭିନୟ କରୁଛନ୍ତି ଅର୍ଲିନ ଅଙ୍କିତା । ସେହିପରି ଅନନ୍ୟ ଅଶ୍ରୁ୍ମୋଚନ ମହାନ୍ତି, ଚୌଧୁରୀ ବିକାଶ ଦାସ, ଚୌଧୁରୀ ଜୟପ୍ରକାଶ ଦାସ, ସ୍ମିତା ମହାନ୍ତି, କେକେ, ଉଦିତ ଗୁରୁ, ରାଜଶ୍ରୀ, ଯୋଗେଶ ଜୋଜୋ ଓ ଅର୍ପଣ ମିଶ୍ର। ନିର୍ଦେଶକ ଙ୍କ ମତରେ ଏହା ଏକ ଭିନ୍ନ ଧରଣର ଛବି ବୋଲି ଜଣାପଡୁଛି, ଯାହା ଦର୍ଶକଙ୍କୁ ନିଶ୍ଚୟ ପସନ୍ଦ ଆସିବ ବୋଲି କହିଛନ୍ତି ।
ଇଟିଭି ଭାରତ, ଭୁବନେଶ୍ୱର
