ମୁମ୍ବାଇ: ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇକୁ ଭାରତୀୟ ଫାଇଟର ଏୟାରକ୍ରାଫ୍ଟର ତଥ୍ୟ ଦେବା ଅଭିଯୋଗରେ ଜଣେ ଅଭିଯୁକ୍ତକୁ ଗିରଫ କରିଛି ମହାରାଷ୍ଟ୍ର ଏଟିଏସ । ଅଭିଯୁକ୍ତ ଜଣଙ୍କୁ ନାଗପୁରରୁ ଗିରଫ କରାଯାଇଥିବା ଜଣାପଡିଛି ।
ସୂଚନା ଅନୁଯାୟୀ ଅଭିଯୁକ୍ତ ଜଣଙ୍କ ହିନ୍ଦୁସ୍ତାନ ଏରୋନଟିକ୍ସ ଲିମିଟେଡରେ କର୍ମଚାରୀ ରହିଥିଲା । ତେବେ ସେ ଆଇଏସଆଇ ସହ ସମ୍ପର୍କରେ ଥିବା ଜଣାପଡିଛି । ଅଭିଯୁକ୍ତ ସମ୍ବେଦନଶୀଳ ତଥ୍ୟ ଆଇଏସଆଇକୁ ହସ୍ତାନ୍ତର କରୁଥିବା ଅଭିଯୋଗରେ ଏଟିଏସର ନାସିକ ୟୁନିଟ ତାକୁ ଗିରଫ କରିଛି ।
ଗିରଫ କରିଯାଇଥିବା ଅଭିଯୁକ୍ତକୁ କୋର୍ଟରେ ହାଜର କରାଯାଇଥିଲା । ତେବେ କୋର୍ଟ ତାକୁ 10 ଦିନ ଏଟିଏସର ରିମାଣ୍ଡରେ ପଠାଇଦେଇଛନ୍ତି । ତେବେ ଘଟଣାକୁ ନେଇ ଅଧିକ ତଦନ୍ତ ଜାରି ରହିଛି ।
