ଗାନ୍ଧୀନଗର: ଦିନକୁ ଦିନ ଯୁବପିଢିଙ୍କ ଟିକଟକ୍ ଭିଡିଓ କରିବା ନିଶା ବଢିବାରେ ଲାଗିଛି । ଯେଉଁଠି ପାଇଲେ ସେଠାରେ କରୁଛନ୍ତି ଭିଡିଓ ସୁଟ । ଏପରିକି ସ୍ଥାନ କାଳ ମଧ୍ୟ ଦେଖୁ ନାହାଁନ୍ତି । ତେବେ ଟିକଟିକ୍ ଭିଡିଓ କରିବା ନିଶା 4 ଜଣ ଯୁବକଙ୍କୁ ମହଙ୍ଗା ପଡିଛି । ଏ ଅଭିଯୋଗରେ ପୋଲିସ ସେମାନଙ୍କୁ ଗିରଫ କରିଛି । ଏଭଳି ଘଟଣା ଦେଖିବାକୁ ମିଳିଛି ଗୁଜୁରାଟର ବନାସକାଣ୍ଠା ଜିଲ୍ଲା ଅଧିନସ୍ଥ ଆଗଥଣା ପୋଲିସ ଷ୍ଟେସନରେ ।
ଗତ ରବିବାର କୌଣସି କାରଣରୁ ଏହି ଚାରିଜଣଙ୍କୁ ଗିରଫ କରିଥିଲା ପୋଲିସ । ଏହାପରେ ସେମାନେ ଥାନା ଭିତରେ ଥାଇ ଟିକଟକ୍ ଭିଡିଓ କରିଥିଲେ । ଯାହା ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏହା ପରେ ଥାନାର ଆଇନକାନୁନ୍ ବ୍ୟବସ୍ଥାକୁ ନେଇ ପ୍ରଶ୍ନ ଉଠିଥିଲା।
ଯାହାର ଉତ୍ତର ଦେବାକୁ ଯାଇ ପୋଲିସ ପକ୍ଷରୁ କୁହାଯାଇଥିଲା ଯେ, ଯେତେବେଳେ ଏହି ଚାରିଜଣଙ୍କୁ ଗିରଫ କରାଯାଇ ଥାନାରେ ରଖା ଯାଇଥିଲା, ସେତେବେଳେ ପୋଲିସ ଅନ୍ୟ ମାମଲାର ତଦନ୍ତ କରୁଥିଲା । ଏହାର ଫାଇଦା ଉଠାଇ ସେମାନେ ଥାନା ଭିତରେ ଟିକଟକ୍ ଭିଡିଓ କରିଥିଲେ।
