ନୂଆଦିଲ୍ଲୀ : ଦେଶରେ କୋରୋନା ସଂକ୍ରମଣ ମାମଲା ଦ୍ରୁତ ଗତିରେ ବଢି ଚାଲିଛି । ଦିଲ୍ଲୀରେ ମଧ୍ୟ ପରିସ୍ଥିତି ବିଗିଡିବାରେ ଲାଗିଛି । ଏପରି କି ଅନେକ ସରକାରୀ କର୍ମଚାରୀ କୋରୋନା ସଂକ୍ରମିତ ହେଉଛନ୍ତି । ଏପରି ସ୍ଥିତିରେ ସରକାର ନିଜ କର୍ମଚାରୀଙ୍କ ପାଇଁ ଏକ ନୂଆ ଗାଇଡଲାଇନ ଜାରି କରିଛନ୍ତି ।
ସରକାରଙ୍କ ଗାଇଡଲାଇନ ଅନୁସାରେ, କୌଣସି ପ୍ରକାର ଲକ୍ଷଣ ନଥିବା କର୍ମଚାରୀ କାର୍ଯ୍ୟାଳୟକୁ ଆସିପାରିବେ ।
ଯଦି କାହାକୁ କାଶ କିମ୍ବା ଥଣ୍ଡାଜ୍ବର ହୋଇଥିବ, ସେମାନେ ୱାକ ଫ୍ରମ ହୋମ କରିବେ ।
କଣ୍ଟେନମେଣ୍ଟ ଜୋନ ନ ହଟିବା ପର୍ଯ୍ୟନ୍ତ କର୍ମଚାରୀମାନେ ଘରେ ରହି କାମ କରିବେ।
ଗୋଟିଏ ଦିନରେ 20ରୁ ଅଧିକ କର୍ମଚାରୀ କାମ କରିବେ ନାହିଁ । ଏଥିପାଇଁ ରୋଷ୍ଟର ପ୍ରସ୍ତୁତ କରାଯିବ । ଅନ୍ୟ କର୍ମଚାରୀମାନେ ଘରେ ରହି କାମ କରିବେ ।
ଯଦି ଗୋଟିଏ କ୍ୟାବିନରେ 2 ଜଣ କର୍ମଚାରୀ କାମ କରିପାରିବେ ନାହିଁ, ସେମାନଙ୍କୁ ଦିନେ ଛଡା ଦିନେ କାମ କରିବାକୁ ପଡିବ ।
ସମସ୍ତ କର୍ମଚାରୀ ମାସ୍କ ବ୍ୟବହାର ସହ ସାମାଜିକ ଦୂରତା ବଜାୟ ରଖିବେ । ମାସ୍କ ନ ପିନ୍ଧିଲେ କାର୍ଯ୍ୟାନୁ୍ଷ୍ଠାନ ନିଆଯିବ ।
ପ୍ରତି ଅଧ ଘଣ୍ଟାରେ ହାତ ଧୋଇବା ଜରୁରୀ । କରିଡରରେ ପ୍ରମୁଖ ସ୍ଥାନରେ ସାନିଟାଇଜର ଡିସପେନସର୍ ସ୍ଥାପନ କରାଯିବ ।
ସାମ୍ନାସାମ୍ନି ମିଟିଂ କରିବା ପରିବର୍ତ୍ତେ ଅନଲାଇନ ମିଟିଂ କରାଯିବ ।
