ମହାରାଷ୍ଟ୍ର: କୋରୋନା ସଙ୍କଟ ସମୟରେ ମହାରାଷ୍ଟ୍ରରେ ସରକାର ଭାଙ୍ଗିବାକୁ ଚେଷ୍ଟା କରୁଥିବା ଅଭିଯୋଗ ଉପରେ ସ୍ପଷ୍ଟୀକରଣ ରଖିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ସେ କହିଛନ୍ତି ଯେ, ରାଜ୍ୟରେ କୋରୋନାର ସ୍ଥିତି ସଙ୍କଟଜନକ ରହିଛି । ଏମିତି ଚିନ୍ତାଜନକ ପରିସ୍ଥିତିରେ ମହାରାଷ୍ଟ୍ରରେ ବର୍ତ୍ତମାନ ସରକାର ପରିବର୍ତ୍ତନ ହେଉ ବୋଲି ଆମେ ଚାହୁଁନାହୁଁ ।
ସେ ଆହୁରି ମଧ୍ୟ କହିଛନ୍ତି ଯେ, ଆମେ କୋରୋନା ଭାଇରସ ବିରୋଧରେ ଲଢେଇ କରୁଛୁ ଏବଂ ଆମେ ଚାହୁଁଛୁ ସରକାରଙ୍କ ଉପରେ ମଧ୍ୟ ଏହା ସହ ଲଢେଇ କରିବାକୁ ଚାପ ପକାଯାଉ ।
ଫଡନାଭିସ କହିଛନ୍ତି କି, ରାଜ୍ୟ ସରକାର ଏବେ ବି କେନ୍ଦ୍ର ପକ୍ଷରୁ ଦିଆଯାଇଥିବା ଆର୍ଥିକ ସହାୟତାର ବ୍ୟବହାର କରୁଛନ୍ତି । ମୁଁ ଏପର୍ଯ୍ୟନ୍ତ ବି ବୁଝିପାରୁନାହିଁ କି ସରକାରଙ୍କ ପ୍ରଥମ ପ୍ରାଥମିକତା କ’ଣ ରହିଛି । ବର୍ତ୍ତମାନ ପରିସ୍ଥିତିରେ ରାଜ୍ୟ ଗୋଟିଏ ନିର୍ଦ୍ଦିଷ୍ଟ ନେତୃତ୍ୱ ଆବଶ୍ୟକ କରୁଛି । ଏମିତିରେ ମୁଁ ଉଦ୍ଧବ ସରକାରଙ୍କ ଠାରୁ କଠୋର ନିଷ୍ପତ୍ତିର ଆଶା କରୁଛି ।
ସୂଚନାଯୋଗ୍ୟ, ଏନସିପି ମୁଖ୍ୟ ଶରଦ ପାୱାର ଏହି ପ୍ରସଙ୍ଗରେ ଦେବେନ୍ଦ୍ର ଫଡନାଭିସଙ୍କୁ ଟାର୍ଗେଟ କରିଥିଲେ । ସେ କହିଥିଲେ ଯେ, ବର୍ତ୍ତମାନ ରାଜ୍ୟ ଏକ କଠିନ ସ୍ଥିତିରେ ରହିଛି । ଯାହା ପାଖରେ କୌଣସି କାମ ନାହିଁ କେବଳ ସେହିମାନେ ହିଁ ସରକାର ଭାଙ୍ଗିବା କଥା ଚିନ୍ତା କରିପାରିବେ ।
