ଥିରୁଅନନ୍ତପୁରମ: ଦିନକୁ ଦିନ ବଢୁଛି ସୁନା ଚାଲାଣ । ଆଉ ବଦଳି ଯାଉଛି ସୁନା ଚୋରି କରିବାର ତରିକା । ସେହିଭଳି ଏକ ଘଟଣା ଦେଖିବାକୁ ମିଳିଛି କେରଳ ସ୍ଥିତ କାଲିକଟ ବିମାନବନ୍ଦରରେ । ଏଠାରେ କଷ୍ଟମ୍ସ ବିଭାଗର ଏୟାର ଇଣ୍ଟେଲିଜେନ୍ସ ୟୁନିଟ ଜଣେ ଯାତ୍ରୀଙ୍କଠାରୁ 40 ଗ୍ରାମ ସୁନା ଜବତ କରିଛନ୍ତି । ଯାତ୍ରୀ ଜଣକ ଫେସ ମାସ୍କରେ ଲୁଚେଇ ସୁନା ଚୋରା ଚାଲାଣ କରିବାକୁ ଚେଷ୍ଟା କରୁଥିଲେ ।
ଦିଲ୍ଲୀର କଷ୍ଟମ ମୁଖପାତ୍ରଙ୍କ ଅନୁଯାୟୀ, କଷ୍ଟମ ଅଧିକାରୀ ଏହି ଯାତ୍ରୀଙ୍କ ଉପରେ ସେତିକି ବେଳେ ସନ୍ଦେହ କଲେ ଯେତବେଳେ ସେ ଗ୍ରୀନ ଚ୍ୟାନେଲ ପାର କରୁଥିଲେ । ଏହାପରେ କଷ୍ଟମ ଅଧିକାରୀମାନେ ତାଙ୍କୁ ତୁରନ୍ତ ଅଟକାଇ ତାଙ୍କ ଜିନିଷପତ୍ରର ତଲାସି ନେଉଥିବାବେଳେ, ତାଙ୍କଠାରୁ 40 ଗ୍ରାମ ସୁନା ଜବତ କରାଯାଇଥିଲା। ଯାହାକୁ ସେ ମାସ୍କରେ ଲୁଚାଇ ରଖିଥିଲେ।
ଏଘଟଣା ବିଷୟରେ ପଚାରିବାରୁ ଉକ୍ତ ଯାତ୍ରୀ ଜଣଙ୍କ କୌଣସି ସନ୍ତୋଷଜନକ ଉତ୍ତର ଦେଇନଥିଲେ । ଏହା ପରେ କଷ୍ଟମ ଅଧିକାରୀ 1962 ଅଧୀନ ଧାରା 110 ଅନୁଯାୟୀ ସୁନାକୁ ଜବତ କରି ଯାତ୍ରୀଙ୍କୁ ଅଟକ ରଖିଛନ୍ତି।
ଏହି ପରିପ୍ରେକ୍ଷୀରେ, କଷ୍ଟମ ଅଧିକାରୀମାନେ ଅଧିକ କାର୍ଯ୍ୟାନୁଷ୍ଠାନ ପାଇଁ ଅନୁସନ୍ଧାନ ଜାରି ରଖିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
