ନୂଆଦିଲ୍ଲୀ: ସଂସଦରେ ପାରିତ ହୋଇସାରିଥିବା କୃଷି ବିଧେୟକକୁ ନେଇ ବଢୁଛି ଉତ୍ତେଜନା । ବିଲ ପାରିତ ହେବା ସମୟରେ ଗୃହରେ ଜୋରଦାର ହଙ୍ଗାମା ଦେଖିବାକୁ ମିଳିଥିଲା । ସଂସଦର ମର୍ଯ୍ୟାଦା ହାନୀ ନେଇ 8 ସାଂସଦଙ୍କୁ ନିଲମ୍ବନ କରିବାକୁ ମଧ୍ୟ ପଡିଥିଲା । ତେବେ ବୁଧବାର କୃଷି ବିଧେୟକ ଓ 8 ସାଂସଦଙ୍କ ନିଲମ୍ବନକୁ ନେଇ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଛନ୍ତି କଂଗ୍ରେସ ସାଂସଦ ।
ବିରୋଧୀ ଦଳର ନେତା ଗୁଲାମ ନବୀ ଆଜାଦଙ୍କ ନେତୃତ୍ବରେ କଂଗ୍ରେସର ସାଂସଦମାନେ ବୁଧବାର ସଂଧ୍ୟାରେ ରାଷ୍ଟ୍ରପତିଙ୍କୁ ସାକ୍ଷାତ କରିଛନ୍ତି । ଘଟଣାକୁ ନେଇ 16 ବିରୋଧୀ ଦଳ ରାଷ୍ଟ୍ରପତିଙ୍କୁ ଏକ ସ୍ମାରକ ପତ୍ର ପ୍ରଦାନ କରିଥିଲେ ।
କଂଗ୍ରେସ ନେତା ଗୁଲାମ ନବୀ କହିଛନ୍ତି, ମତର କୌଣସି ବିଭାଜନ ନଥିଲା, ଧ୍ବନୀ ମତ ନଥିଲା । ଗଣତନ୍ତ୍ରର ମନ୍ଦିରରେ ସମ୍ବିଧାନ କ୍ଷୁର୍ଣ୍ଣ ହୋଇଥିଲା । ଆମେ ରାଷ୍ଟ୍ରପତିଙ୍କୁ ସାକ୍ଷାତ କରି କହିଛୁ ଯେ କୃଷି ବିଧେୟକ ଅସାମ୍ବିଧାନିକ ଭାବେ ପାରିତ ହୋଇଛି । ତେବେ ଏହି ବିଲ୍କୁ ପ୍ରତ୍ୟାହାର କରିବାକୁ ଦାବି ଜଣାଇଛନ୍ତି ଗୁଲାମନବୀ ।
କୃଷି ବିଲ ଆଲୋଚନା ସମୟରେ ରାଜ୍ୟସଭା ସମୟ ବୃଦ୍ଧିକୁ ନେଇ ଗୃହରେ ହଙ୍ଗାମା କରିଥିଲେ । ଗୃହ ମଧ୍ୟଭାଗକୁ ଆସି ବିରୋଧୀ ହୋହ୍ଲାଲା କରିଥିଲେ । ତେବେ ଧ୍ବନୀ ମତରେ ରାଜ୍ୟସଭାରେ ବିଲ ପାରିତ ହୋଇଥିଲା ।
