ବର୍ଜ୍ୟବସ୍ତୁ ପରିଚାଳନାରେ ତିରୁପତି ଅନ୍ୟମାନଙ୍କ ପାଇଁ ଉଦାହରଣ

ବର୍ଜ୍ୟବସ୍ତୁ ପରିଚାଳନା ପାଇଁ ଆନ୍ଧ୍ର ପ୍ରଦେଶର ତିରୁପତି ସହରରେ ସ୍ଥାପିତ ହୋଇଛି ଆବର୍ଜନା କମ୍ପ୍ରେସନ ଷ୍ଟେସନ । ଆଗକୁ ଆହୁରି କମ୍ପ୍ରେସର ଷ୍ଟେସନ ପ୍ରତିଷ୍ଠା କରାଯିବ ବୋଲି ବିଭାଗୀୟ ଅଧିକାରୀ କହିଛନ୍ତି।

ଅମରାବତୀ: ବର୍ଜ୍ୟବସ୍ତୁ ପରିଚାଳନା ଦେଶରେ ଅନେକ ସହର ପାଇଁ ଚ୍ୟାଲେଞ୍ଜ ହୋଇଥିବା ବେଳେ ସମସ୍ତଙ୍କ ପାଇଁ ଉଦାହରଣ ପାଲଟିଛି ତିରୁପତି ସହର । ସ୍ବଚ୍ଛତା ସର୍ବେକ୍ଷଣରେ ସାରା ଦେଶରେ ଟପ୍ 10ରେ ରହିଛି ତିରୁପତି। ବର୍ଜ୍ୟବସ୍ତୁ ପରିଚାଳନା ପାଇଁ ପ୍ରତିଷ୍ଠା କରାଯାଇଛି ଆବର୍ଜନା କମ୍ପ୍ରେସର ଷ୍ଟେସନ ।

ଏଠାରେ ସହରର ଗଳିକନ୍ଦିରୁ ଆବର୍ଜନା ସଂଗ୍ରହ କରାଯାଇ କମ୍ପ୍ରେସର ଷ୍ଟେସନକୁ ଅଣାଯାଉଛି । ସେଠାରେ ସମସ୍ତ ଆବର୍ଜନାର ପରିଚାଳନା କରାଯାଉଛି। ଏହି ଷ୍ଟେସନ ଦ୍ବାରା ସହରରେ ଆବର୍ଜନା ମାତ୍ରା କମିବା ସହ ପ୍ରଦୂଷଣକୁ ରୋକା ଯାଇପାରୁଛି ବୋଲି ବିଭାଗୀୟ ଅଧିକାରୀ କହିଛନ୍ତି। ଆଗକୁ ଆହୁରି କମ୍ପ୍ରେସର ଷ୍ଟେସନ ସ୍ଥାପିତ କରାଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।