ମୁମ୍ବାଇ: ଗ୍ୟାଙ୍ଗଷ୍ଟର ଛୋଟା ରାଜନକୁ 2 ବର୍ଷ ଜେଲ ଦଣ୍ଡାଦେଶ ଶୁଣାଇଲେ ମୁମ୍ବାଇ ସିଜନ୍ କୋର୍ଟ । ବଟି ଆଦାୟ କରୁଥିବା ଅଭିଯୋଗରେ ଛୋଟା ରାଜନଙ୍କୁ 2ବର୍ଷ କାରାଦଣ୍ଡ ସହ 5000 ଟଙ୍କାର ଜରିମାନା ଆଦାୟ କରାଯିବ। ପନଭେଲ୍ ସ୍ଥିତ ଏକ ବିଲ୍ଡର ନନ୍ଦୁ ୱାଜେକରଠାରୁ 26 କୋଟି ଟଙ୍କ ମାଗିଥିଲା ଛୋଟା ରାଜନ୍ ।
2015ରେ ନନ୍ଦୁ ପୁନେରେ ଏକ ଜମି କିଣିଥିଲେ । ଏହାସହ 2 କୋଟିର କମିଶନ ପରମାନନ୍ଦ ଠକ୍କର ନାଁରେ ଜଣେ ଏଜେଣ୍ଟକୁ ଦେବା ପାଇଁ କୁହାଯାଇଥିଲା । ତେବେ ପରମାନନ୍ଦ ଅଧିକ ଟଙ୍କ ମାଗିଥିଲେ, ଏଥିରେ ରାଜି ହୋଇନଥିଲେ ନନ୍ଦୁ । ଏହାପରେ ପରମାନନ୍ଦ, ଛୋଟା ରାଜନ ସହ ଯୋଗାଯୋଗ କରିଥିଲେ । ଛୋଟା ରାଜନ ଏହାପରେ ନନ୍ଦୁଙ୍କୁ 26 କୋଟି ଟଙ୍କା ମାଗିଥିଲେ । ପରେ ନବି ମୁମ୍ବାଇ ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଥିଲା ।
ତେବେ ଛୋଟା ରାଜନକୁ ପୂର୍ବରୁ 4 ଥର ଜେଲ ହୋଇସାରିଛି । ସାମ୍ବାଦିକ ଜେ. ଦେଙ୍କୁ ହତ୍ୟା ଅଭିଯୋଗରେ ଛୋଟା ରାଜନକୁ ଆଜୀବନ କାରାଦଣ୍ଡ ଦିଆଯାଇଥିଲା । ଆଉ ଜଣେ ମୁମ୍ବାଇର ବିଲ୍ଡର ବି.ଆର୍ ସେଟ୍ଟୀକୁ ଗୁଳି କରିବା ଅଭିଯୋଗରେ ମଧ୍ୟ 8 ବର୍ଷର ଜେଲ ଦଣ୍ଡ ଦିଆଯାଇଥିଲା । ଏହାସହ ଜାଲି ପାସପୋର୍ଟ ମାମଲାରେ ମଧ୍ୟ ତାକୁ ଜେଲ ଦଣ୍ଡାଦେଶ ଦିଆଯାଇଥିଲା ତେବେ ପ୍ରତିଥର ଜାମିନରେ ଆସିଛି ଗ୍ୟାଙ୍ଗଷ୍ଟର ଛୋଟା ରାଜନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
