ହାଇଦ୍ରାବାଦ: ଆଜି ଧରାଧାମରେ ଅବତାର କରିଛନ୍ତି ପ୍ରଭୁ ଗଜାନନ। ଏନେଇ ଚାରିଆଡେ ଉତ୍ସବ ମୁଖର। କୋରୋନା କାରଣରୁ ଚଳିତବର୍ଷ ଅତି ଆଡମ୍ବର ସହକାରେ ପାଳନ କରାଯାଉନଥିଲେ ସୁଦ୍ଧା, ସମସ୍ତ ପୂଜା ଅନୁଷ୍ଠାନ ଓ ଘର ମାନଙ୍କରେ ଛୋଟ ଛୋଟ ମୂର୍ତ୍ତି ରଖାଯାଇ କୋଭିଡ ଗାଇଡ ଲାଇନ ଅନୁସରଣ କରି ପୂଜା କରାଯାଉଛି ।
ତେବେ ଏହି ଅବସରରେ କର୍ଣ୍ଣାଟକର ମୁଖ୍ୟମନ୍ତ୍ରୀ ବିଏସ ୟେଦିୟୁରପ୍ପା ବେଙ୍ଗାଲୁର ସ୍ଥିତ ତାଙ୍କ ବାସଭବନରେ ପ୍ରଭୁ ବିଘ୍ନରାଜଙ୍କୁ ପୂଜା କରୁଥିବା ଦେଖିବାକୁ ମିଳିଛି। ଏହି ସମୟରେ ସେ ମାସ୍କ ପିନ୍ଧି ହାତରେ ଦୀପ ଧରି ଭଗବାନ ଗଣେଶଙ୍କୁ ଆରାଧନା କରୁଛନ୍ତି ।
ସେହିପରି ଅନ୍ୟପଟେ ତାମିଲନାଡୁ ସିଏମ ଏଦପାଦୀ ପାଲାନିସାମୀ ମଧ୍ୟ ଚେନ୍ନାଇ ସ୍ଥିତ ସାଲେମ ବାସଭବନରେ ପୂଜାର ଆୟୋଜନ କରିଛନ୍ତି । ସପରିବାର ସହ ସେ ପୂଜା କରୁଥିବା ନଜର ଆସିଛନ୍ତି ।
ଗଣେଶ ପୂଜା ଅବସରରେ ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ପ୍ରଭୁ ଗଣେଶଙ୍କୁ ପୂଜା କରୁଥିବାର ଦେଖିବାକୁ ମିଳିଛି । କୋଠାମ୍ବି ସ୍ଥିତ ବାସଭବନରେ ତାଙ୍କ ପିତା, ପତ୍ନୀ ଓ ଝିଅ ସହ ଏହି ପର୍ବକୁ ପାଳନ କରିଛନ୍ତି । ଏହି ଅବସରରେ ଗୋଆ ସିଏମ ପୂଜା ବସ୍ତ୍ର ପିନ୍ଧି ହାତରେ ଆଳତୀ ଧରି ଏକଦନ୍ତଙ୍କର ଆଳତୀ କରୁଥିବାର ନଜର ଆସିଛନ୍ତି ।
