ଭୋପାଳ: ମଧ୍ୟପ୍ରଦେଶର ନିମୁଜ ଜିଲ୍ଲାସ୍ଥିତ ଏକ ଜେଲରୁ 4ଜଣ କଏଦୀ ଫେରାର ହୋଇଯାଇଛନ୍ତି । କଏଦୀଙ୍କୁ ଧରିବା ପାଇଁ ପୋଲିସ ପକ୍ଷରୁ ବଡ ଧରଣର ସର୍ଚ୍ଚ ଅପରେସନ ଜାରି ରହିଛି । ରବିବାର ଭୋଟ 3ଟାରୁ-4ଟା ଭିତରେ କଏଦୀମାନେ ଚମ୍ପଟ ମାରିଥିବା ସୂଚନା ରହିଛି ।
ଇଟିଭି ଭାରତ, ବ୍ୟୁରୋ
କଏଦୀମାନେ ହେଲେ ନରସିଂହ, ଦୁବେ ଲାଲ, ପଙ୍କଜ ଓ ଲେଖ ରାମ । କଏଦୀମାନେ କରତ ଓ ଦଉଡି ସାହାଯ୍ୟରେ ଜେଲ ପାଚେରୀ ଡେଇଁ ଫେରାର ହୋଇଥିବା ସୂଚନା ଦେଇଛନ୍ତି ଜେଲର୍ ଆରସି ବାସୁନିଆ । ଏହି 4ଜଣଙ୍କ ମଧ୍ୟରୁ ଦୁଇ ଜଣ ହତ୍ୟା ଅପରାଧରେ ଓ ଅନ୍ୟଦୁଇ ଜଣ ନିଷିଦ୍ଧ ନିଶା ଚୋରାଚାଲାଣ କରି ଜେଲରେ ସଜା କାଟୁଥିବା ସୂଚନା ରହିଛି ।
ଜେଲରୁ କଏଦୀମାନେ ଅଚାନକ ଫେରାର ହୋଇଯିବାର କିଛି ସମୟ ପରେ ପୋଲିସକୁ ସୂଚନା ମିଳିଥିଲା । କଏଦୀମାନେ ଜେଲରୁ ଫେରାର ହେବା ପୂର୍ବ ଯୋଜନା ବୋଲି ଜଣାପଡିଛି । ଏହାସହ କଏଦୀଙ୍କୁ ଏହି କାର୍ଯ୍ୟରେ ବାହାରୁ କାହାର ସାହାଯ୍ୟ ତଥା ଏହି ଘଟଣାର କାରଣ ତଦନ୍ତ ପରେ ଜଣାପଡିବ ହୋଲି ଜେଲ୍ର ସୂଚନା କହିଛନ୍ତି ।
