ମୁମ୍ବାଇ: ଆତ୍ମହତ୍ୟା କଲେ ଗୋଟିଏ ପରିବାରର 4 ସଦସ୍ୟ । ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି ନଭୀ ମୁମ୍ବାଇର ତଲୋଜା ଅଞ୍ଚଳରେ । ଶନିବାର ଏକ ଫ୍ଲାଟରୁ ଗୋଟିଏ ପରିବାରର ସ୍ବାମୀ ଓ ସ୍ତ୍ରୀ ସହ ତାଙ୍କ ଦୁଇ ପିଲାଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ମୁମ୍ବାଇ ପୋଲିସ । ଦେଢ ମାସ ଧରି ବାରବାର ଫୋନ ପରେ ବି ମୃତକ ନିତେଶଙ୍କ ତରଫରୁ କୌଣସି ଉତ୍ତର ମିଳିନଥିଲା । ଶେଷରେ ଫ୍ଲାଟ୍ ମାଲିକ ଦ୍ବାରା ଘର ଖୋଲା ଯିବାରୁ ସତ ସାମ୍ନାକୁ ଆସିଥିଲା ।
ଘଟଣା ସ୍ଥଳରୁ ଏକ ସୁଇସାଇଡ୍ ନୋଟ୍ ମଧ୍ୟ ପୋଲିସ ଜବତ କରିଛି, ଯେଉଁଥିଲେ ତାଙ୍କ ମୃତ୍ୟୁ ପାଇଁ କେହି ଦାୟୀ ନଥିବା ଲେଖାଯାଇଛି ଏବଂ ମୃତକଙ୍କୁ ହିନ୍ଦୁ ସଂସ୍କାର ଅନୁସାରେ ଅନ୍ତିମ ସଂସ୍କାର କରିବାକୁ ଅନୁରୋଧ କରାଯାଇଛି । ପୋଲିସ ରିପୋର୍ଟ ଅନୁଯାୟୀ, ନିତେଶ ଅନଲାଇନ ବ୍ୟବସାୟରେ ବହୁତ ବଡ଼ କ୍ଷତି ସହିବାରୁ ଏପରି ପଦକ୍ଷେପ ନେଇଥିବା ଜଣାପଡ଼ିଛି ।
@ ANI
