ଜୟପୁର: ଅଦ୍ଭୁଦ ଶିଶୁ । ଯାହାକୁ ଦେଖିଲେ ଆପଣଙ୍କୁ ଡର ଲାଗିବ । କାରଣ ଏହି ଶିଶୁଟି ଗୋଟିଏ କି 2 ଟି ନୁହେଁ 4ଟି ହାତସହ ଜନ୍ମ ନେଇଛି । ଏଭଳି ଘଟଣା ରାଜସ୍ଥାନରେ ଟଙ୍କ ଜିଲ୍ଲାରେ ଦେଖିବାକୁ ମିଳିଛି । ଏହି ବିରଳ ଶିଶୁଟିର ଫଟୋ ବର୍ତ୍ତମାନ ସୋସିଆଲ ମିଡିଆରେ ବହୁଳ ମାତ୍ରାରେ ଭାଇରାଲ ହେବାରେ ଲାଗିଛି ।
ଖବର ଅନୁଯାୟୀ, ରାଜସ୍ଥାନର ଟଙ୍କର ଜିଲ୍ଲାର ରାଜୁଦେବୀ ନାମକ ଜଣେ ମହିଳା ଶୁକ୍ରବାର ରାତିରେ ପ୍ରସବ ଯନ୍ତ୍ରଣା ଅସହ୍ୟ ହେବାରୁ ମେଡିକାଲେର ଭର୍ତ୍ତି କରାଯାଇଥିଲା । ଏହାପରେ ମହିଳା ଜଣକ ଗୋଟିଏ ଝିଅ ଓ ପୁଅକୁ ଜନ୍ମ ଦେଇଥିଲେ । ହେଲେ ନବଜାତ ଝିଅଟିର ଶରୀରର ସହ ଏକ ଅଣବିକଶିତ ଭ୍ରୁଣ ଲାଗି ରହିଥିଲା । ଯାହାର ଦୁଇଟି ହାତ,ଦୁଇଟି ଗୋଡ ଓ ସମସ୍ତ ଅଙ୍ଗପ୍ରତ୍ୟଙ୍ଗ ରହିଛି ।
ଡାକ୍ତରଙ୍କ କହିବା ଅନୁସାରେ, ମହିଳା ଜଣକ 2ଟି ଶିଶୁକୁ ଜନ୍ମ ଦେଇଛନ୍ତି । ସେଥିମଧ୍ୟରୁ ତୃତୀୟ ସନ୍ତାନ ଜଣକ ଅପରିପ୍ବକ ଅବସ୍ଥାରେ ରହିଛି । ଯାହା ନବଜାତ ଝିଅଟିର ଶରୀରର ସହ ସଂଯୋଗ ହୋଇ ରହିଛି । ଏଭଳି ଘଟଣା ରାଜସ୍ଥାନର ମାଲପୁରରେ ପ୍ରଥମ ଥର ପାଇଁ ଦେଖିବାକୁ ମିଳିଛି । ଗୁରୁତର ନବଜାତ ଝିଅଟିକୁ ଜୟପୁର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
