ବେଲାଗାଭୀ(କର୍ଣ୍ଣାଟକ): ସାରା ରାଜ୍ୟରେ ଲକଡାଉନ ଘୋଷିତ ହୋଇଥିବାବେଳେ ଘଟିଯାଇଛି ଏକ ଦୁଃଖଦ ଘଟଣା । ଚାଷ ଜମିରେ ଥିବା ପୋଖରୀରେ ପଡି ଗୋଟିଏ ପରିବାରର 4 ଶିଶୁଙ୍କ ମୃତ୍ୟୁ ହୋଇଛି । ଘଟଣା ଘଟିଛି ବେଲଗୌମ ଜିଲ୍ଲାର ଅଜ୍ଜାନାକଟ୍ଟି ଗାଁରେ ।
ମୃତ ଶିଶୁଙ୍କ ନାମ ହେଲା ଭାଗଭଭ(6 ବର୍ଷ), ଥାୟାମ୍ମା(5 ବର୍ଷ), ମଲପ୍ପା(4 ବର୍ଷ) ଏବଂ ରାଜଶ୍ରୀ(2 ବର୍ଷ) । ଏମାନେ ସମସ୍ତେ କ୍ରେପା ଓ ରାଜଶ୍ରୀ ଜାକ୍କାନ୍ନଭରାଙ୍କ 4 ସନ୍ତାନ । କୋରୋନା ଭୟ ଯୋଗୁଁ ଏମାନେ ସମସ୍ତେ ନିଜ ଫାର୍ମ ହାଉସ ପଳାଇ ଆସିଥିଲେ ।
ତେବେ ଖବର ଅନୁସାରେ ମୋବାଇଲରେ ଖେଳୁଥିବାବେଳେ ଏହି ଘଟଣା ଘଟିଥିଲା । ପୋଖରୀରେ ମୋବାଇଲ ପଡିଯିବା ପରେ ଡରରେ ବାପା-ମାଆଙ୍କୁ ପିଲା ଜଣାଇନଥିଲେ । ନିଜେ ଆଣିବାକୁ ଚେଷ୍ଟା କରି ଜଣକ ପରେ ଜଣେ ପୋଖରୀରେ ଖସିପଡିଥିଲେ । ଖବର ପାଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଲାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
