ନୂଆଦିଲ୍ଲୀ: ଭାରତର ପୂର୍ବତନ ରାଷ୍ଟ୍ରପତି ଭାରତରତ୍ନ ପ୍ରଣବ ମୁଖାର୍ଜୀଙ୍କ ଦେହାନ୍ତ । 84 ବର୍ଷରେ ଦିଲ୍ଲୀର ଆର୍ମି ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି ପ୍ରଣବ ମୁଖାର୍ଜୀ । ମୁଣ୍ଡରେ ରକ୍ତ ଜମାଟ ବାନ୍ଧିଥିବାରୁ ତାଙ୍କର ଅସ୍ତ୍ରୋପଚାର କରାଯାଇଥିଲା ।
ଅସ୍ତ୍ରୋପଚାର ପରେ ପ୍ରଣବ ମୁଖାର୍ଜୀ ଭେଣ୍ଟିଲେଟରରେ ଥିବାବେଳେ ତାଙ୍କ ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ହୋଇଥିଲା । ଏହା ପରେ ସେ କୋମାକୁ ଚାଲିଯାଇଥିଲେ ।
ଦେଶର 13 ତମ ରାଷ୍ଟ୍ରପତି ରାଷ୍ଟ୍ରପତି ରହିଥିଲେ ପ୍ରଣବ ମୁଖାର୍ଜୀ । କଂଗ୍ରେସ ଶାସନରେ କେନ୍ଦ୍ର ସରକାରଙ୍କ ଅନେକ ଗୁରୁତ୍ବପୂର୍ଣ୍ଣ ବିଭାଗରେ ସେ ନିଜର ଦାୟିତ୍ବ ତୁଲାଇଛନ୍ତି । ଏହାସହ ବିଭିନ୍ନ ସମୟରେ କେନ୍ଦ୍ର କ୍ୟାବିନେଟର ଅର୍ଥ, ପ୍ରତିରକ୍ଷା, ବୈଦେଶିକ ଆଦି ବିଭାଗରେ ମଧ୍ୟ ମନ୍ତ୍ରୀ ରହିଛନ୍ତି ।
