ନୂଆଦିଲ୍ଲୀ: ଆସନ୍ତା 22 ତାରିଖରେ ଆମେରିକାର ହଷ୍ଟନ ସହରରେ ଅନୁଷ୍ଠିତ ହାୱଡି ମୋଦି କାର୍ଯ୍ୟକ୍ରମ । ଏଥିରେ ମୂଖ୍ୟ ଅତିଥି ଭାବେ ଯୋଗଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ସହିତ ରାଷ୍ଟ୍ରପତି ଟ୍ରମ୍ପକୁ ମଧ୍ୟ ଭେଟିବାର ଯୋଜନା ରହିଛି । ସେପଟେ ମୋଦି ଓ ଟ୍ରମ୍ପଙ୍କ ବାରମ୍ବାର ସାକ୍ଷାତ ଫଳରେ ଉଭୟ ରାଷ୍ଟ୍ର ମଧ୍ୟରେ ସମ୍ପର୍କରେ ମଧ୍ୟ ମଧୁରତା ଆସୁଥିବା ଦେଖିବାକୁ ମିଳିଛି ।
କେବଳ ଏତିକି ନୁହେଁ ଆମେରିକାରେ ହେବାକୁ ଥିବା ହାୱଡ଼ି ମୋଦି କାର୍ଯ୍ୟକ୍ରମରେ ମୋଦିଙ୍କ ସହିତ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ସାମିଲ ହେବେ । ଏନେଇ ରାଜନୈତିକ ସମୀକ୍ଷକ ଆଞ୍ଚଲ ମାଲହୋତ୍ରା କହିଛନ୍ତି କାଶ୍ମୀର ମାମଲାରେ ଟ୍ରମ୍ପ ବିବାଦୀୟ ମନ୍ତବ୍ୟ ଦେବା ପରେ ଏଥିରୁ ଦୁରେଇ ରହିବା ନେଇ ଟ୍ରମ୍ପ ବୁଝିଥିଲେ । ଏହା ସହିତ ମୋଦି ଓ ଟ୍ରମ୍ପଙ୍କ ସାକ୍ଷାତ ପାକିସ୍ତାନର ମୁଣ୍ଡ ବିନ୍ଧାଉଛି ବୋଲି ସେ କହିଥିଲେ ।
ଉଲ୍ଲେଖଯୋଗ୍ୟ କାଶ୍ମୀର ମାମଲାରେ ମଧ୍ୟସ୍ଥତା କରିବା ପାଇଁ ଟ୍ରମ୍ପ ଇଚ୍ଛା ପ୍ରକାଶ କରିବା ସହିତ କହିଥିଲେ ।
ସେହିଭଳି ବ୍ୟବସାୟିକ ପ୍ରସଙ୍ଗରେ ଏହି ଦ୍ବିପାକ୍ଷିକ ସମ୍ବନ୍ଧକୁ ନେଇ ସେ କହିଥିଲେ କି ନିକଟରେ ଭାରତରେ ଜିଏସପି( Generalized System of Preference)କୁ ଲାଗୁ କରିବା ପାଇଁ 44 ଆମେରିକୀୟ କଂଗ୍ରେସ ସାଂସଦ ସେମାନଙ୍କ ସରକାର ନିକଟରେ ଦାବି ଉପସ୍ଥାପନ କରିଥିଲେ ।
ସେହିଭଳି ପୂର୍ବତନ ପ୍ରଶାସନିକ ଅଧିକାରୀ ଜେକେ ତ୍ରିପାଠୀ କହିଛନ୍ତି ଏହି କାର୍ଯ୍ୟକ୍ରମ ନିଶ୍ଚିତ ପକ୍ଷେ ଐତିହାସିକ ହେବ । ପ୍ରବାସୀ ଭାରତୀୟଙ୍କୁ ସମ୍ବୋଧନ କରିବା ଘଟଣା ନିଶ୍ଚିତ ପକ୍ଷେ ଐତିହାସିକ ଘଟଣା ହେବ । ସେହିପରି ପ୍ରଧାନମନ୍ତ୍ରୀଙ୍କ ସହିତ ଆମେରିକୀୟ ରାଷ୍ଟ୍ରପତି ମଧ୍ୟ ସାମିଲ ହେବା ନିଶ୍ଚିତ ଭାବେ ପ୍ରଥମ ଘଟଣା ହେବ ବୋଲି ସେ କହିଥିଲେ ।
