ଜୟପୁର: ରାଜସ୍ଥାନରେ ଭରତପୁରରେ ଜଣେ ବନ ବିଭାଗ କର୍ମଚାରୀଙ୍କୁ ଅପହରଣ କରି ଧୁମ ପିଟିଥିବାର ଘଟଣା ସାମ୍ନାକୁ ଆସିଛି । ଖାଲି ସେତିକି ନୁହେଁ ଦୁର୍ବୃତ୍ତ ମାନେ କର୍ମଚାରୀଙ୍କ ଅଶ୍ଳିଳ ଭିଡିଓ ତିଆରି କରି ସୋସିଆଲ ମିଡିଆରେ ମଧ୍ୟ ଅପଲୋଡ କରିଛନ୍ତି । ତେବେ ପୀଡିତ ବ୍ୟକ୍ତି ଜଣଙ୍କ ହେଲେ ସୌକିନ ଖାନ ।
ସୂଚନାମୁତାବକ, ଏହି ଘଟଣାଟି ଖୋହ ଥାନା ଅନ୍ତର୍ଗତ ଅଡାବଲୀ ଗାଁର । ଯେଉଁଠି ପାହାଡରେ ବେଆଇନ ଭାବେ କିଛି ଲୋକ ଖନନ କରୁଥିଲେ । ଏହାକୁ ରୋକିବା ପାଇଁ ସୌକିନ ସେମାନଙ୍କୁ ବାରଣ କରିଥିଲେ । ହେଲେ ଉକ୍ତ ଲୋକମାନେ ଅଧିକାରୀଙ୍କର କୌଣସି କଥାକୁ ଖାତିର କରିନଥିଲେ । ପରେ ବନକର୍ମଚାରୀ ସୌକିନଙ୍କୁ ଏକୁଟିଆ ଯାଉଥିବାର ସୁଯୋଗ ପାଇ ଅପହରଣ କରିନେଇ ନିର୍ଦ୍ଧୁମ ଛେଚି ଥିଲେ । ପରେ ଜବରଦସ୍ତ ମଦ ପିଆଇବା ସହ ତାଙ୍କୁ ନିର୍ବସ୍ତ୍ର କରିଦେଇ ସେମାନଙ୍କ ସହିତ ଥିବା ଜଣେ ମହିଳାଙ୍କୁ ଅର୍ଦ୍ଧନଗ୍ନ ଅବସ୍ଥାରେ ଉଭୟଙ୍କୁ ଶୁଆଇ ଅଶ୍ଳୀଳ ଭିଡିଓ ତିଆରି କରିଥିଲେ ।
ଏହାପରେ ସୌକିନଙ୍କର ଭିଡିଓକୁ ସୋସିଆଲ ମିଡିଆରେ ଭାଇରାଲ କରି ବଦନାମ କରିବାକୁ ଚେଷ୍ଟା କରିଥିଲେ । ଏନେଇ ସୌକିନ ଥାନାରେ ଏତଲା ଦେବାପରେ ପୋଲିସ ସମସ୍ତ ଘଟଣାର ଛାନଭିନ କରିବା ସହ ଭାଇରାଲ ଭିଡିଓ ଉପରେ ମଧ୍ୟ ଯାଞ୍ଚ କରିବା ଆରମ୍ଭ କରିଦେଇଛି ।
