ଥିରୁଅନନ୍ତପୁରମ: ଉଛୁଳୁଛି ନଦୀ, ଦିନକୁ ଦିନ ଭୟଙ୍କର ହେଉଛି କେରଳ ବନ୍ୟା । ରାଜ୍ୟର ବିଭିନ୍ନ ରାଜ୍ୟରେ ଏବେ ବି ପାଣି ଘେରରେ ବୁଡି ରହିଛି ଅନେକ ଧନଜୀବନ । ବର୍ତ୍ତମାନ ସୁଦ୍ଧା ବନ୍ୟାରେ 2 ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । କୋଚିର ଆର୍ନ୍ତଜାତୀୟ ବିମାନ ବନ୍ଦର ମଧ୍ୟ ବନ୍ଦ କରାଯାଇଛି । ବିଭିନ୍ନ ସ୍ଥାନରେ ଭୂସ୍ଖଳନ ଘଟିଥିବା ସୂଚନା ମିଳିଛି ।
ବନ୍ୟା ପ୍ରଭାବିତ ଅଞ୍ଚଳରୁ ବିପନ୍ନଙ୍କୁ ସ୍ଥାନାନ୍ତରଣ ପାଇଁ ଆଡଭାଇଜରୀ ଜାରି କରାଯାଇଛି । କୋଝିକୋଡ, ମଲପ୍ପୁରମ, ଇଡୁକ୍କି ଆଦି ଜିଲ୍ଲା ଗୁଡିକ ଅଧିକ ପ୍ରଭାବିତ ହୋଇଥିବା ଜଣାପଡିଛି । ଏହି ସ୍ଥାନକୁ ଏନଡିଆରଏଫର 5ଟି ଟିମକୁ ବିପନ୍ନଙ୍କ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି ।
ତ୍ରୀଶୂର,ୱାୟନାଡ, ପଲକ୍କଡ, କଶରଗଡ ଏବଂ କନ୍ନୁର ଆଦି ଜିଲ୍ଲାରେ ଅରେଞ୍ଜ ଆଲର୍ଟ ଜାରି କରାଯାଇଛି । ଏଠିକାର ସମସ୍ତ ସ୍କୁଲ କଲେଜକୁ ମଧ୍ୟ ବନ୍ଦ ରଖାଯାଇଛି ।
