ଚଣ୍ଡିଗଡ: ପଞ୍ଜାବର ସାଙ୍ଗରୁର ସୁନାମ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ସହ କାର ପିଟି ହେବାରୁ କାରରେ ନିଆଁ ଲାଗି ଯାଇଥିଲା । ଫଳରେ ଘଟଣାସ୍ଥଳରେ ହିଁ ପାଞ୍ଚଜଣଙ୍କର ମୃତ୍ୟୁ ହୋଇଛି ।
ସୂଚନାନୁସାରେ, ମଙ୍ଗଳବାର ଏକ ବିବାହରେ ଯୋଗ ଦେଇ ଫେରୁଥିବା ସମୟରେ ସୁନାମ ରୋଡରେ ଗୋଟିଏ ଟ୍ରକ ସହ କାରଟି ମୁହାଁମୁହିଁ ହୋଇଥିଲା । ଟ୍ରକର ଡିଜେଲ ଟାଙ୍କିରେ ଲିକ ଥିବାରୁ କାରରେ ନିଆଁ ଲାଗିଯାଇଥିଲା । କାରଟି ସମ୍ପୂର୍ଣ୍ଣ ଜଳି ଯାଇଛି ଓ ପାଞ୍ଚ ଜଣଙ୍କର ମୃତ୍ୟୁ ହୋଇଛି । ସେମାନେ ସମସ୍ତେ ମୋଗା ଜିଲ୍ଲାବାସୀ ବୋଲି ଜଣାପଡିଛି ।
ପ୍ରତକ୍ଷ୍ୟଦର୍ଶୀଙ୍କ କହିବା କହିବା ଅନୁସାରେ ନିଆଁ ଏତେ ଭୟଙ୍କର ଥିଲା ଯେ ସେମାନେ କିଛି କରିପାରି ନଥିଲେ । ଖବର ପାଇ ପୋଲିସ ଘଟଣାସ୍ଥଳରୁ ପାଞ୍ଚଜଣଙ୍କ ମୃତ ଦେହକୁ ଉଦ୍ଧାର କରିଥିଲା । ଘଟଣାରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
