ନୂଆଦିଲ୍ଲୀ: ଆସନ୍ତା 2021 ମସିହାରେ ହେବାକୁ ଯାଉଛି ଭାରତର 16ତମ ଜନଗଣନା । ହରିୟାଣାରେ ଜନଗଣନାର ପ୍ରଥମ ପର୍ଯ୍ୟାୟ ମେ 1ରୁ ଜୁନ 15 ମଧ୍ୟରେ ଅନୁଷ୍ଠିତ ହେବ । ଏଥିପାଇଁ 58,000 ଅଧିକାରୀଙ୍କୁ ନିୟୋଜିତ କରାଯିବ ।
2021 ଜନଗଣନା ଏବଂ ଜାତୀୟ ଜନସଂଖ୍ୟା ପଞ୍ଜୀକରଣର ପୂର୍ବ ପ୍ରସ୍ତୁତିର ସମୀକ୍ଷା ପାଇଁ ଶୁକ୍ରବାର ବରିଷ୍ଠ ଅଧିକାରୀଙ୍କର ଏକ ରାଜ୍ୟସ୍ତରୀୟ ବୈଠକ ବସିଥିଲା । ମୁଖ୍ୟ ସଚିବ କେଶନୀ ଆନନ୍ଦ ଏହି ବୈଠକର ଅଧ୍ୟକ୍ଷତା କରିଥିଲେ । ବୈଠକରେ ରେଜିଷ୍ଟର ଏବଂ ଜନଗଣନା ଆୟୁକ୍ତ ବିବେକ ଜୋଶୀ ମଧ୍ୟ ଯୋଗ ଦେଇଥିଲେ । ତେବେ ଜନଗଣନା ସମୟରେ ନାଗରିକଙ୍କଠାରୁ କୌଣସି ପ୍ରକାର ଦସ୍ତାବିଜ ମଗାଯିବ ନାହିଁ । ସେମାନଙ୍କୁ କେବଳ ପ୍ରଶ୍ନ ପଚାରାଯିବ ବୋଲି ଜୋଶୀ କହିଛନ୍ତି । ଜନଗଣନା ପାଇଁ ପୂର୍ବରୁ ନିର୍ଦ୍ଧାରିତ ପ୍ରଶ୍ନାବଳୀରୁ ହିଁ ସେମାନଙ୍କୁ ପ୍ରଶ୍ନ କରାଯିବ ବୋଲି ସେ ସୂଚନା ଦେଇଛନ୍ତି ।
@ANI
