ନୂଆଦିଲ୍ଲୀ: ନୂଆ ସରକାର ଗଠନ ହେବା ପରେ ମନ୍ତ୍ରୀ ପରିଷଦର ପ୍ରଥମ ବୈଠକ ଜୁନ 12ରେ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ହେବାକୁ ଥିବା ଏହି ବୈଠକରେ ସମସ୍ତ 57 କେନ୍ଦ୍ରମନ୍ତ୍ରୀଙ୍କୁ ଆମନ୍ତ୍ରିତ କରାଯାଇଛି ।
ତେବେ ଏହି ବୈଠକରେ ଆଗାମୀ 5 ବର୍ଷରେ ସରକାରଙ୍କ କାର୍ଯ୍ୟ ଏବଂ ଯୋଜନା ଉପରେ ବିଚାରବିମର୍ଶ କରାଯିବ । ମୋଦି ନିଜର ସମସ୍ତ ଯୋଜନା ସମ୍ପର୍କରେ ମନ୍ତ୍ରୀଙ୍କୁ ସୂଚନା ଦେବେ ବୋଲି ଜଣାପଡିଛି । ତେବେ ସେହିଦିନ ହିଁ କେନ୍ଦ୍ର କ୍ୟାବିନେଟ୍ର ବୈଠକ ମଧ୍ୟ ହୋଇପାରେ ବୋଲି ଜାଣିବାକୁ ମିଳୁଛି ।
ସୂଚନା ଯୋଗ୍ୟ ଯେ, ପ୍ରଧାନମନ୍ତ୍ରୀ ମୋଦି ନିଜର ପ୍ରଥମ କାର୍ଯ୍ୟକାଳରେ ମଧ୍ୟ ନିୟମିତ ରୂପରେ ମନ୍ତ୍ରୀପରିଷଦର ବୈଠକ କରୁଥିଲେ । ସେ ମନ୍ତ୍ରୀଙ୍କୁ ସରକାରଙ୍କ ବିଭିନ୍ନ କଲ୍ୟାଣକାରୀ ଯୋଜନା ସମ୍ପର୍କରେ ଅବଗତ କରାଉଥିଲେ ।
