ପାଟନା: ଭାରତ-ନେପାଳ ମଧ୍ୟରେ ଜାରି ରହିଥିବା ବିବାଦ ମଧ୍ୟରେ ଶୁକ୍ରବାର ସୀମାରେ ଗୁଳିଚାଳନା ହୋଇଛି । ନେପାଳ ସୀମାକୁ ଲାଗିରହିଥିବା ବିହାରର ସୀତାମାଢି ଜିଲ୍ଲାରେ ନେପାଳ ପୋଲିସ ଆତର୍କିତ ଗୁଳିଚାଳନା କରିଥିଲା । ଏହି ଗୁଳିକାଣ୍ଡରେ ଜଣେ ଭାରତୀୟ ଶ୍ରମିକଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଆହତ ହୋଇଛନ୍ତି । ସେପଟେ ଆହତ ହୋଇଥିବା ଜଣେ ଶ୍ରମିକଙ୍କୁ ନେପାଳ ପୋଲିସ ହେପାଜତକୁ ନେଇଥିବା ସ୍ଥାନୀୟ ଲୋକ ଦାବି କରିଛନ୍ତି ।
ସୂଚନା ମୁତାବକ, ଘଟଣାଟି ସୋନବାରସା ପୋଲିସ ଷ୍ଟେସନ ଜାନକୀ ଗ୍ରାମ ନିକଟରେ ଘଟିଥିଲା । 5 ରୁ 6 ଜଣ ଶ୍ରମିକ ଲାଲବନ୍ଧୀ ଜାନକିନଗର ସୀମାରେ କାର୍ଯ୍ୟ କରୁଥିବା ବେଳେ ନେପାଳ ପୋଲିସ ପକ୍ଷରୁ ଗୁଳିଚାଳନା କରାଯାଇଥିଲା । ମୃତ ବ୍ୟକ୍ତି ଜଣକ ବିକାଶ କୁମାର ବୋଲି ଜଣାପଡିଛି । ସେମାନେ ପ୍ରଥମେ ଶ୍ରମିକଙ୍କୁ କାମ ବନ୍ଦ କରିବାକୁ କହିଥିବା ମୃତକଙ୍କ ପିତା ନାଗେଶ୍ବର ରାଓ କହିଛନ୍ତି ।
ତେବେ ଆହତଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡିଛି ।
