ରାଞ୍ଚି: ଝାଡଖଣ୍ଡ ରାମଗଡ ପୋଲିସ ଷ୍ଟେସନ ପରିସରରେ ଥିବା ଦୈନିକ ମାର୍କେଟରେ ଭୟାବହ ଅଗ୍ନିକାଣ୍ଡ । ମାର୍କେଟରେ ଥିବା ପ୍ରାୟ 42ଟି ଦୋକାନ ପୋଡି ପାଉଁଶ ହୋଇଯାଇଛି । ଖବରପାଇ ଦୁଇଟି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଏହି ଅଗ୍ନିରେ ପ୍ରାୟ 20 ରୁ 25 ଲକ୍ଷ ଟଙ୍କାର ଜିନିଷ ପୋଡି ପାଉଁଶ ହୋଇଯାଇଛି ।
ସୂଚନାନୁସାରେ, ଶୁକ୍ରବାର ସନ୍ଧ୍ୟାରେ କୌଣସି କାରଣରୁ ଦୋକାନରେ ହଠାତ ନିଆଁ ଥିଲା। ସ୍ଥାନୀୟ ଲୋକଙ୍କ ଖବରପାଇ ପୋଲିସ ଏବଂ ଅଗ୍ନିଶମ ବିଭାଗକୁ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ଦୀର୍ଘ ସମୟର ବ୍ୟବଧାନ ପରେ ନିଆଁ ଆୟତ୍ତ ହୋଇଥିଲା ।
ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନଥିବାବେଳେ, କୋରୋନା ସମୟରେ ଏପରି ଅଗ୍ନିକାଣ୍ଡ ଅନେକଙ୍କ ଜୀବନ ଜୀବିକା ଉପରେ ବେଶ ପ୍ରଭାବ ପକାଇଛି । ଏନେଇ ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
