ଦିଲ୍ଲୀର ଜୋତା କାରଖାନାରେ ଅଗ୍ନିକାଣ୍ଡ, 20 ଦମକଳ ଗାଡି ନିୟୋଜିତ

ଦିଲ୍ଲୀର ମାୟାପୁରୀ ଅଞ୍ଚଳ ସ୍ଥିତ ଏକ ଜୋତା କାରଖାନାରେ ଶନିବାର ଭୀଷଣ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଘଟଣା ସ୍ଥଳରେ 20ରୁ ଊର୍ଦ୍ଧ୍ବ ଦମକଳଗାଡି ନିୟୋଜିତ କରାଯାଇଛି ।

ନୂଆଦିଲ୍ଲୀ: ପୁଣି ରାଜଧାନୀ ଦିଲ୍ଲୀରେ ଅଗ୍ନିକାଣ୍ଡ । ଦିଲ୍ଲୀର ମାୟାପୁରୀ ଅଞ୍ଚଳ ସ୍ଥିତ ଏକ ଜୋତା କାରଖାନାରେ ଶନିବାର ଭୀଷଣ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଅଗ୍ନିକାଣ୍ଡର ଖବର ମିଳିବା ପରେ ତୁରନ୍ତ ସେଠାରେ 20ରୁ ଊର୍ଦ୍ଧ୍ବ ଦମକଳଗାଡି ନିୟୋଜିତ କରାଯାଇଛି । ଅଗ୍ନିଶମ ବିଭାଗର କର୍ମଚାରୀମା‌ନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରୁଛନ୍ତି ।

ତେବେ କାରଖାନା ଭିତରେ କେତେ ଶ୍ରମିକ ଅଛନ୍ତି ତାହା ଏବେ ସୁଦ୍ଧା ଜଣା ପଡିନାହିଁ । ଅଗ୍ନିକାଣ୍ଡର ଅସଲି କାରଣ ମଧ୍ୟ ଏବେ ସୁଦ୍ଧା ସ୍ପଷ୍ଟ ହୋଇନାହିଁ ।