ମୁମ୍ବାଇ: ମହାରାଷ୍ଟ୍ରର ବାଇକୁଲା ଅଞ୍ଚଳର ଏକ ରେଷ୍ଟୁରାଣ୍ଟରେ ଅଗ୍ନିକାଣ୍ଡ ଘଟିଛି । ରାତି 9 ସମୟରେ ଏହି ଅଗ୍ନିକାଣ୍ଡ ଘଟିଥିବାବେଳେ ଘଟଣାସ୍ଥଳରେ ଅଗ୍ନିଶମବାହିନୀ ପହଞ୍ଚିଛି । କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି ।
ସୂଚନା ଅନୁସାରେ, ସାଇ ପାଲେସ ରେଷ୍ଟୁରାଣ୍ଟରେ ରାତି 9ଟାରେ କୌଣସି କାରଣରୁ ନିଆଁ ଲାଗିଥିଲା । ତେବେ ଏହା ଜଣାପଡିବା ପରେ ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରିଛି । ଅନ୍ୟପଟେ ଅଗ୍ନିକାଣ୍ଡରେ କୌଣସି କ୍ଷୟକ୍ଷତି ହୋଇନାହିଁ ।
ନିଆଁ ଅଳ୍ପ ମାତ୍ରାରେ ଲାଗିଥିବାରୁ ଅଗ୍ନିଶମ ବାହିନୀ ତତକ୍ଷଣାତ୍ ଘଟଣାସ୍ଥଳରେ ପହଞ୍ଚିବା ସହ ନିଆଁକୁ ଆୟତ୍ତ କରିବାରେ ସମକ୍ଷ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
