ଲକ୍ଷ୍ନୌ: ଉତ୍ତରପ୍ରଦେଶର ନୟାଗାଓଁରେ ଅଭାବନୀୟ ଘଟଣା । ଗୋଟିଏ ପରିବାରର 4 ଜଣଙ୍କ ସନ୍ଦେହଜନକ ମୃତ୍ୟୁ । ଜଣେ ବ୍ୟକ୍ତି ତାର 2 ଛୁଆ ଓ ସ୍ତ୍ରୀକୁ ହତ୍ୟା କରି ନିଜେ ଆତ୍ମହତ୍ୟା କରିଥିବା ଘଟଣା ପୁରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ପରିବାର ଲୋକେ 4ଜଣଙ୍କ ମୃତଦେହ ଗାଁକୁ ଆଣିବା ପରେ ଶୋକାକୂଳ ପରିବେଶ ସୃଷ୍ଟି ହୋଇଛି। ମୃତକମାନେ ହେଲେ ଧୀରଜ କୁମାର, ପତ୍ନୀ କାଜଲ, 2 ବର୍ଷର ପୁଅ ଧ୍ରୃବ ଓ 5 ବର୍ଷର ଝିଅ ଏକତା ।
ନୟାଗାଓଁରେ ଅଭାବନୀୟ ଘଟଣା
ସୂଚନା ଅନୁସାରେ ଧୀରଜଙ୍କ ବାପା, ମାଆ ଓ 2 ଭାଇ ନୟାଗାଓଁରେ ରହୁଥିବା ବେଳେ ଧୀରଜ ନିଜ 2ଛୁଆ ଓ ସ୍ତ୍ରୀ ସହ ସାହିବାବାଦରେ 12 ବର୍ଷ ଧରି ରହି ଆସୁଥିଲେ । ଧୀରଜ ଅନେକ ବର୍ଷ ଧରି ଗାଜିଆବାଦରେ ଇସ୍ପାତ ରେଲିଂରେ କାର୍ଯ୍ୟ କରିଆସୁଥିଲେ । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ, ଆର୍ଥିକ ଅବସ୍ଥା ଖରାପ ଥିବାରୁ ଧୀରଜ ଏପରି ନିଷ୍ପତ୍ତି ନେଇଥିବା ସନ୍ଦେହ କରାଯାଇଛି । ତେବେ ଧିରଜଙ୍କ ଘରୁ ଏକ ସୁଇସାଇଡାଲ ନୋଟ ଜବତ କରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
