ଆଲିଗଡ: ଆଉ ଘରର ଚାରିକାନ୍ଥ ଭିତରେ ରହୁନାହାଁନ୍ତି ମହିଳା । ପାଠରେ ଯେମିତି ଅନ୍ୟ କାମରେ ବି ମହିଳା ମାନେ ଆଗକୁ ବଢିବାରେ ଲାଗିଛନ୍ତି । ପୁରୁଷଙ୍କ କାନ୍ଧରେ କାନ୍ଧ ମିଶାଇ ସମାଜର ଆଗଧାଡିରେ ନିଜକୁ ପ୍ରତିଷ୍ଠିତ କରିବାରେ ସଫଳ ହୋଇଛନ୍ତି । ତେବେ ମହିଳା ମାନଙ୍କୁ ନେଇ ଆଲିଗଡରେ ଆୟୋଜିତ ହୋଇଥିବା ଏକ ରାମ୍ପ ଶୋରେ ଦେଖିବାକୁ ମିଳିଛି ମହିଳାଙ୍କ ଜଲୱା ।
ଏହି ରାମ୍ପ ଶୋର ନାଁ ରଖାଯାଇଥିଲା 'ଆଦା' । ଆୟୋଜିତ ହୋଇଥିବା ଏହି ରାମ୍ପରେ ଚାଲି ନିଜ ନିଜ ଅନୁଭୂତି ବଖାଣିଥିଲେ ମହିଳା । ବିଶେଷ କରି ଏମାନେ ନିଜର ଶକ୍ତି ଓ ପରାକାଷ୍ଠା ଏହି ରାମ୍ପରେ ଦେଖାଇଥିଲେ । ବିଭିନ୍ନ ଲୁକରେ ନଜର ଆସିବା ସହ ଘରର ଚାରି କାନ୍ଥ ଭିତରେ ଆଉ ମହିଳା ମାନେ ନାହାଁନ୍ତି ବୋଲି ସେ କହିଛନ୍ତି ।
ତେବେ ଆୟୋଜକଙ୍କ କହିବା କଥା ହେଲା ଏହି ରାମ୍ପର ଆୟୋଜନ ଏକ ଭଲ ମେସେଜ ଦେବା ପାଇଁ । ଘରେ ରହି ନିଜର ପ୍ରତିଭାକୁ ଜଳାଞ୍ଜଳି ଦେଉଥିବା ମହିଳା ଆଜି ରାମ୍ପରେ ଚାଲି ଏହା ପ୍ରମାଣିତ କରିଛନ୍ତି କି ସେମାନେ ବି କମ ନୁହଁନ୍ତି ।
ମହିଳା ସଶକ୍ତିକରଣ ଓ ମହିଳା ଏକତା ଏଭଳି କାର୍ଯ୍ୟକ୍ରମ ଦ୍ବାରା ଅଧିକ ପ୍ରଚାର ପ୍ରସାର ହୋଇପାରିବ ବୋଲି ସେ କହିଛନ୍ତି ।
