ମଥୁରା: ଫକଡ ବାବା ରାମାୟଣୀ, ମଥୁରାର ବେଶ ଚର୍ଚ୍ଚିତ ଚେହେରା । ତେବେ ବାବାଙ୍କ ଚର୍ଚ୍ଚା ପଛରେ ରହିଛି ତାଙ୍କ ରାଜନୈତିକ କ୍ୟାରିୟର । ଆଜି ପର୍ଯ୍ୟନ୍ତ 16ଥର ନିର୍ବାଚନରେ ଠିଆ ହୋଇଛନ୍ତି । ହେଲେ ପ୍ରତିଥର ସେ ହାରିଛନ୍ତି । ଆଉ ଏଥିରେ ସବୁଠୁ ବଡ କଥା ହେଲା, ଏତେଥର ନିର୍ବାଚନୀ ହାରିଥିଲେ ମଧ୍ୟ କମିନି ଫକଡ ବାବାଙ୍କ ଉତ୍ସାହ । ସେ ଚଳିତ ଥର ମଧ୍ୟ 17 ଥର ପାଇଁ ନିଜ ଭାଗ୍ୟ ପରୀକ୍ଷା କରି 2019 ଲୋକସଭା ନିର୍ବାଚନ ଲଢିବାକୁ ଯାଉଛନ୍ତି ।
ପ୍ରଥମେ ସେ 1976 ମସିହାରେ ଲୋକସଭା ଓ ବିଧାନସଭା ନିର୍ବାଚନରେ ସ୍ୱାଧୀନ ରୂପରେ ମଥୁରାରେ ଠିଆ ହୋଇ ହାରିଥିଲେ । ଆଉ ଚଳିତ ଥର ମଧ୍ୟ ସେ ପୁଣିଥରେ ସେହି ମଥୁରାରୁ ନିର୍ବାଚନ ଲଢିବାକୁ ପ୍ରସ୍ତୁତ ହେଉଛନ୍ତି । ସେ 8 ଥର ବିଧାନସଭା 8 ଥର ଲୋକସଭା ଆସନରେ ଲଢି ସାରିଛନ୍ତି ।
ବାବାଙ୍କ ଏହି ଜୋଶ ପଛରେ ତାଙ୍କ ଗୁରୁଙ୍କ ଅଗାଧ ବିଶ୍ୱାସ ରହିଛି । ତାଙ୍କ ଗୁରୁଙ୍କ କହିବା ଅନୁସାରେ, ସେ 20ଥରରେ ନିର୍ବାଚନ ବିଜୟୀ ହେବେ । ଆଉ ନିର୍ବାଚନ ପାଇଁ ଚଳିତଥର ଭକ୍ତ ଓ ସମର୍ଥକମାନେ ଟଙ୍କା ଦେଇଥିବା କହିଛନ୍ତି ଫକଡ ବାବା । ବର୍ତ୍ତମାନ ସୁଦ୍ଧା ନିର୍ବାଚନୀ ଖର୍ଚ୍ଚ ପାଇଁ 25 ହଜାର ଟଙ୍କା ଜମା ହୋଇସାରିଛି । ସେ ଚଳିତଥର ଲୋକସଭା ନିର୍ବାଚନ ଲଢିବେ ।
ଏଠାରେ ଆମେ କହି ରଖୁଛୁ କି, ଫକଡ ବାବାଙ୍କ ପରି ଥିଲେ ଜୋଗେନ୍ଦର ସିଂହ । ଯିଏ 1962ରୁ 1998 ମସିହା ପର୍ଯ୍ୟନ୍ତ 25ଥର ନିର୍ବାଚନ ଲଢି ହାରିଥିଲେ । ତେବେ ତାଙ୍କର 1198 ରେ ତାଙ୍କ ଦେହାନ୍ତ ହୋଇଯାଇଛି । ଏଥିରେ ସବୁଠୁ ବଡ କଥା ହେଲା, ଜୋଗେନ୍ଦର ସିଂହ ନିର୍ବାଚନ ହାରିବା ପରେ ମଧ୍ୟ ଲୋକଙ୍କୁ ମିଠା ଓ ମିଶ୍ରି ଖୁଆଇ ମୁହଁ ମିଠା କରାଉଥିଲେ ।
