ମୁମ୍ବାଇ: ଲକ୍ଷାଧିକ ଟଙ୍କାର ମାସ୍କ ଜବତ । ମହାରାଷ୍ଟ୍ରର ପୁନେରେ ବ୍ୟାପକ ପରିମାଣରେ ମାସ୍କ ଜବତ କରାଯାଇଛି । ସାରା ବିଶ୍ବରେ ଆତଙ୍କ ମଚାଇଥିବା କୋରୋନା ଭାଇରସର କାୟା ବିସ୍ତାର କରିବା ପରେ ମାସ୍କର ଆବଶ୍ୟକତା ବୃଦ୍ଧି ପାଇଛି । ପୁନେ ପୋଲିସ ଶୁକ୍ରବାର ଦିନ ଦୁଇଜଣ ବ୍ୟକ୍ତିକୁ ଗିରଫ କରିଛି । ମୋଟ 17805 ଟି ମାସ୍କ ପିସ ଥିବାବେଳେ ଏହାକୁ କଳାବଜାରୀ କରିବା ପାଇଁ ବଜାରକୁ ଛାଡିବା ବ୍ୟବସ୍ଥା କରୁଥିଲେ ।
ମହାରାଷ୍ଟ୍ରର ପୁନେରେ କ୍ରାଇମବ୍ରାଞ୍ଚ ଡିସିପି ବଚ୍ଚନ ସିଂ କହିବା ଅନୁସାରେ ଜବତ ମାସ୍କର ମୂଲ୍ୟ 4.30 ଲକ୍ଷ ହେବ ବୋଲି ଜଣାପଡିଛି । ଗୁରୁବାର ଦିନ ପୁଣେର ୟୁନିଟ 1 ଅଞ୍ଚଳରେ ଏକ ଗୋଦାମରେ ରେଡ କରିବା ସମୟରେ ଜବତ କରାଯାଇଥିଲା । ସେମାନେ ମାସ୍କ ଗୁଡିକୁ କଳାବଜାରୀ କରିବା ଚଢା ଦରରେ ବଜାରରେ ବିକ୍ରିକରୁଥିବା ଜଣାପଡିଛି । ଜବତ ମାସ୍କର ପରିମାଣ 17805 ଟି ହୋଇଥିବା ବେଳେ ଏହାର ମୂଲ୍ୟ 4.30 ଲକ୍ଷ ହେବ ବୋଲି ଜଣାପଡିଛି ।
ମହାରାଷ୍ଟ୍ରରେ ଦେଶର ସର୍ବାଧିକ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ସରକାର ମଧ୍ୟ ବିଭିନ୍ନ ସତର୍କତାମୂଳକ ପଦକ୍ଷେପ ଉଠାଉଛନ୍ତି । ମହାରାଷ୍ଟ୍ର ବର୍ତ୍ତମାନ କୋରୋନା ସଂକ୍ରମଣ 127 ହୋଇଥିବା ବେଳେ 4 ଜଣ ମୃତ୍ୟୁବରଣ କରିଛନ୍ତି ।
@ANI
