ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ବିଷାକ୍ତ ବାୟୁର ପ୍ରକୋପ ଜାରି ରହିଛି । ଦିଲ୍ଲୀର ସମସ୍ତ ସ୍କୁଲ ବନ୍ଦ କରାଯିବା ସହ ହେଲ୍ଥ ଏମରଜେନ୍ସି ଲାଗୁ କରିଦିଆଯାଇଛି । ସେହିପରି ଉତ୍ତର ପ୍ରଦେଶରେ ପ୍ରଦୂଷଣକୁ ନେଇ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜରୁରୀ ବୈଠକ ଡକାଇଛନ୍ତି ।
ଦିଲ୍ଲୀର ବାୟୁପ୍ରଦୂଷଣ ବିପଜ୍ଜନକ ପରିସ୍ଥିତିରେ ଥିବାବେଳେ ଏୟାର କ୍ବାଲିଟି ଇଣ୍ଡେକ୍ସ 470ରେ ରହିଛି । ଦିଲ୍ଲୀରେ ବାୟୁପ୍ରଦୂଷଣକୁ ଦୃଷ୍ଟିରେ ରଖି ପର୍ଯ୍ୟାବରଣ ପ୍ରଦୂଷଣ ଓ ପ୍ରାଧିକରଣ(ଇପିସିଏକୁ) ପବଲିକ ହେଲ୍ଥ ଏମରଜେନ୍ସି ଘୋଷଣା କରିବାକୁ ପଡିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ଦିଲ୍ଲୀ ଏନସିଆରରେ ହେଲ୍ଥ ଏମରଜେନ୍ସି ଘୋଷଣା ହେବା ପରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ସମସ୍ତ ସ୍କୁଲକୁ ଆସନ୍ତା 5 ତାରିଖ ପର୍ଯ୍ୟନ୍ତ ଛୁଟି ଘୋଷଣା କରିଥିଲେ ।
