ଚେନ୍ନାଇ: ଜାନୁଆରୀ 17ରୁ ଦେଶରେ ଆରମ୍ଭ ହେବ ପୋଲିଓ ଟୀକାକରଣ । ଏଣୁ ପାଞ୍ଚ ବର୍ଷରୁ କମ୍ ପିଲାମାନଙ୍କୁ ଓରାଲ ପୋଲିଓ ଟୀକା ଦିଆଯିବ ଉଚିତ ଓ ପିତାମାତାଙ୍କୁ ଏ ଦିଗରେ ଧ୍ୟାନ ଦେବାକୁ ଶୁକ୍ରବାର କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ ପରାମର୍ଶ ଦେଇଛନ୍ତି । ଏହି ଅବସରରେ 10 ବର୍ଷ ପୂର୍ବେ ପଶ୍ଚିମବଙ୍ଗରେ ପୋଲିସ ଭାଇରସର ସ୍ଥିତିକୁ ମନେ ପକାଇଛନ୍ତି ସହ 2014 ମସିହା ସୁଦ୍ଧା ବିଶ୍ବ ସ୍ବାସ୍ଥ୍ୟ ସଙ୍ଗଠନ ଭାରତକୁ ପୋଲିଓ ମୁକ୍ତ ବୋଲି ନିଶ୍ଚିତ କରିବା ସମ୍ପର୍କରେ କହିଛନ୍ତି ସ୍ବାସ୍ଥ୍ୟମନ୍ତ୍ରୀ ।
ଆହୁରିମଧ୍ୟ ସ୍ବାସ୍ଥ୍ୟମନ୍ତ୍ରୀ କହିଛନ୍ତି, ଆଜି ବିଶ୍ବର ପ୍ରାୟ ସମସ୍ତ ଦେଶ ପୋଲିଓ ମୁକ୍ତ ହୋଇଥିଲେ ମଧ୍ୟ ଆମର ଦୁଇଟି ପଡୋଶୀ ରାଷ୍ଟ୍ରରେ ଏବେ ବି ପୋଲିଓ କେସ ରହିଛି । ମାତ୍ର ସ୍ବାସ୍ଥ୍ୟମନ୍ତ୍ରୀ ସେହି ଦୁଇଟି ରାଷ୍ଟ୍ର ସମ୍ପର୍କରେ ବିଶେଷ କିଛି ଆଲୋକପାତ କରିନାହାନ୍ତି । ତେବେ ଦେଶକୁ ପୋଲିଓ ଠାରୁ ଦୂରେଇ ରଖିବାକୁ ହେଲେ ଟୀକାକରଣ ଅତ୍ୟନ୍ତ ଜରୁରୀ ବୋଲି ସେ ଜଣାଇଛନ୍ତି ।
ତେବେ ବିଶ୍ବ ସ୍ବାସ୍ଥ୍ୟ ସଙ୍ଗଠନର ପୋଲିଓ ବିଭାଗ ଓ୍ବେବସାଇଟ ମୁତାବକ, ବିଶ୍ବର କେବଳ ତିନୋଟି ଦେଶ ପାକିସ୍ତାନ, ଆଫଗାନିସ୍ତାନ ଏବଂ ନାଇଜେରିଆରରେ ପୋଲିଓ ରୋଗର ବିଲୋପ ଘଟି ପାରିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
