ନୂଆଦିଲ୍ଲୀ: ପୁଣି କୋରୋନା ଯୁଦ୍ଧରେ ହାରିଲେ ଡାକ୍ତର । ରାଷ୍ଟ୍ରୀୟ ରାଜଧାନୀ ଦିଲ୍ଲୀର ଏଲଏନଜିପି ମେଡିକାଲରେ ଆଇସିୟୁ ଇନଚାର୍ଜ ତଥା ସିନିୟର କନ୍ସଲଣ୍ଟାଣ୍ଟ ଡ.ଅସୀମ ଗୁପ୍ତାଙ୍କ କୋରୋନାରେ ମୃତ୍ୟୁ ଘଟିଛି ।
ସୂଚନା ଅନୁଯାୟୀ, ଡ. ଗୁପ୍ତା କୋରୋନା ରୋଗୀଙ୍କ ଚିକିତ୍ସା ବେଳେ କୋରୋନା ସଂକ୍ରମିତ ହୋଇଥିଲେ । ଗତ ଦୁଇ ସପ୍ତାହ ଅସୀମ ଗୁପ୍ତା କୋରୋନା ଆକ୍ରାନ୍ତ ହୋଇ ସାକେତ ସ୍ଥିତ ସ୍ମିଥ ମ୍ୟାକ୍ସ ମେଡିକାଲରେ ଭର୍ତ୍ତି ଥିଲେ ।
ତେବେ ଡ. ଗୁପ୍ତାଙ୍କ ପତ୍ନୀ ମଧ୍ୟ ଜଣେ ଡାକ୍ତର ଅଟନ୍ତି । ସେ ମଧ୍ୟ କୋରୋନା ସଂକ୍ରମିତ ହୋଇ ସୁସ୍ଥ ହୋଇ ଘରକୁ ଫେରିଥିଲେ । ମାତ୍ର ଗତ ରବିବାର ଡ. ଗୁପ୍ତା କୋରୋନାରେ ପ୍ରାଣ ହରାଇଛନ୍ତି ।
ଡ. ଗୁପ୍ତାଙ୍କ ମୃତ୍ୟୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶୋକ ପ୍ରକାଶ କରିଛନ୍ତି । ଏଥିସହ କେଜ୍ରୀୱାଲ ଟ୍ବିଟ ଜରିଆରେ ଲେଖିଛନ୍ତି, ଆମେ ଆଉ ଏକ କୋରୋନା ଯୋଦ୍ଧାଙ୍କୁ ହରାଇଛୁ, ଯାହାର ବଳୀଦାନକୁ ଆମେ ମୁଣ୍ଡ ନୁଆଁଉଛୁ।
ଏଥିସହ ଦିଲ୍ଲୀ ମୁଖ୍ୟମନ୍ତ୍ରୀ ତାଙ୍କ ପରିବାରକୁ 1 କୋଟି ଟଙ୍କା କ୍ଷତିପୂରଣ ଦେଇଛନ୍ତି ।
