ରାୟପୁର: ଲୋକସଭା ନିର୍ବାଚନ ପୂର୍ବରୁ ମାତିଲେ ନକ୍ସଲ । ଛତିଶଗଡରେ ନକ୍ସଲ ଘଟାଇଛନ୍ତି ବର୍ବର ହିଂସାକାଣ୍ଡ । ରାଜ୍ୟର କାଙ୍କେର ଜିଲ୍ଲାରେ ଗୁରୁବାର ବିଏସଫ ଯବାନ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି । ଶେଷ ଖବର ସୁଦ୍ଧା ଏନକାଉଣ୍ଟରରେ୪ ଜଣ ଯବାନ ଶହୀଦ ହେବା ସହ ୨ ଆହତ ହୋଇଛନ୍ତି ।
ଆହତ ଯବାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନାଯୋଗ୍ୟ, ଯବାନଙ୍କ ଏକ ଟିମ ସର୍ଚ୍ଚ ଅପରେଶନ ପାଇଁ ବାହାରିଥିଲେ । ସେହି ସମୟରେ ନକ୍ସଲମାନେ ହଠାତ ଅତର୍କିତଆକ୍ରମଣ କରିଥିଲେ । ଘଟଣାଟି ନକ୍ସଲ ପ୍ରଭାବିତ ପାଙ୍ଖାଜର ସ୍ଥିତ ପ୍ରତାପପୁର ଥାନା ଅନ୍ତର୍ଗତ ଗ୍ରାମ ମୌଲା ଜଙ୍ଗଲରେ ଘଟଛି । ଏହି ଗୁଳି ବିନିମୟ ଆଜି (ଗୁରୁବାର) ସକାଳ ୧୧.୪୫ ମିନିଟରେ ଆରମ୍ଭ ହୋଇଥିଲା ।
ଏହି ଘଟଣାର ସୂଚନା ପାଇବା ମାତ୍ରେ ଘଟଣା ସ୍ଥଳରେ ଅତିରିକ୍ତି ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି। ବର୍ତ୍ତମାନ ଯାଏ ଘଟଣା ସ୍ଥଳରେ ସୁରକ୍ଷାକର୍ମୀ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି। ଏହି ଘଟଣାରେ ବହୁ ନକ୍ସଲ ମଧ୍ୟ ଆହତ ହୋଇଥିବାର ଅନୁମାନ କରାଯାଉଛି । ଅଞ୍ଚଳକୁ ଚାରି ଆଡୁରୁ ସୁରକ୍ଷାକର୍ମୀ ଘେରି ନେଇଛନ୍ତି ।
