ଚଣ୍ଡିଗଡ: ବୈଷୟିକ ତ୍ରୁଟି ହେତୁ ଜରୁରୀ ଅବତରଣ କଲା ବାୟୁସେନା ହେଲିକପ୍ଟର । ହରିୟାଣାର ସୋନିପତ କେଜିପିରେ ଅବତରଣ ହୋଇଥିବା ଜଣାପଡିଛି ।
ବୈଷୟିକ ତ୍ରୁଟି ଯୋଗୁଁ ଜରୁରୀ ଅବତରଣ କଲା ବାୟୁସେନା ହେଲିକପ୍ଟର
ସୂଚନାନୁଯାୟୀ, ବାୟୁସେନା ହେଲିକପ୍ଟର ଗାଜିଆବାଦର ଯମୁନା ବ୍ରିଜ ନିକଟରେ କୁଣ୍ଡଲି ଗାଡ଼ି ରାସ୍ତାରେ ଅବତରଣ କରିଥିଲା । ସକାଳ ପ୍ରାୟ 10ଟାରେ ଅବତରଣ କରିଥିବା ବେଳେ ହେଲିକପ୍ଟର ଦେଖିବାକୁ ରାସ୍ତାରେ ଯାଉଥିବା ଗାଡି ଗୁଡିକ ଅଟକି ଯାଇଥିଲା ।
ତେବେ ପାଇଲଟ ଅଧିକାରୀମାନଙ୍କୁ ସୂଚନା ଦେବାପରେ ଅଧିକାରୀ ଏବଂ ମେକାନିକ ହିନ୍ଦନ୍ ଏୟାରବେସରୁ ଘଟଣାସ୍ଥଳରେ ପହଞ୍ଚିଥିଲେ | ଏହାପରେ ତ୍ରୁଟି ସୁଧାରି ହେଲିକପ୍ଟରକୁ ଗନ୍ତବ୍ୟ ସ୍ଥଳକୁ ପଠାଇଥିଲେ । ଦେଢ ଘଣ୍ଟା ଧରି ହେଲିକପ୍ଟର ରାସ୍ତାରେ ଥିବା ବେଳେ ଅନ୍ୟ ରାସ୍ତା ଦେଇ ଗାଡି ଚଳାଚଳ କରାଯାଉଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
