ସିମଲା: ଠିକ ଖାଦ୍ୟ ଭଳି ଖାଉଥିଲା ଛୁରୀ, ଚାମଚ ଏବଂ ଟୁଥବ୍ରଶ । ଏକଥା ଶୁଣି ଆପଣଙ୍କୁ ନିଶ୍ଚୟ ଆଶ୍ଚର୍ଯ୍ୟ ଲାଗୁଥିବ । ହେଲେ କଥାଟି ସମ୍ପୂର୍ଣ୍ଣ ସତ । ଏପରି ଏକ ଅଜବ ବ୍ୟକ୍ତି ରୁହନ୍ତି ହିମାଚଳ ପ୍ରଦେଶର ମଣ୍ଡି ଅଞ୍ଚଳରେ ।
35 ବର୍ଷୀୟ ଯୁବକଙ୍କ ପେଟରେ ପ୍ରବଳ ଯନ୍ତ୍ରଣା ହେବାରୁ ପରିବାର ଲୋକେ ଡାକ୍ତରଙ୍କ ପାଖକୁ ନେଇ ଆସିଥିଲେ । ଡାକ୍ତର ପରୀକ୍ଷା କରି ଯାହା ଦେଖିଥିଲେ ଭୟଭୀତ ହୋଇଯାଇଥିଲେ । ପ୍ରଥମେ ନିଜକୁ ବିଶ୍ବାସ କରିନଥିଲେ । ହେଲେ ଶେଷରେ ଅସ୍ତ୍ରୋପ୍ରଚାର କରି ଏହି ସବୁ ଜିନିଷକୁ ତାଙ୍କ ପେଟରୁ ବାହାର କରିବା ପାଇଁ ନିଷ୍ପତ୍ତି ନେଇଥିଲେ । ଆଉ 4 ଘଣ୍ଟା ପରେ ଅସ୍ତ୍ରୋପ୍ରଚାର ସଫଳ ମଧ୍ୟ ହୋଇଥିଲା । ଅସ୍ତ୍ରୋପ୍ରଚାର ପରେ ତାଙ୍କ ପେଟରୁ ବାହାରିଛି ଛୁରୀ, 2ଟି ଟୁଥବ୍ରସ, ଟେଷ୍ଟର ଏବଂ 8ଟି ଚାମଚ ।
ଏପରି ମାମଲା ପ୍ରଥମ ଥର ଏହି ଡାକ୍ତରଖାନାକୁ ଆସିଥିବା କୁହନ୍ତି ଡାକ୍ତର । ପ୍ରଥମେ ରୋଗୀଙ୍କୁ ପରୀକ୍ଷା କରିବା ପରେ ସେ ମାନସିକ ରୂପେ ଅକ୍ଷମ ବୋଲି ଜଣାପଡିଥିଲା । ତେଣୁ ଯେତେବେଳେ ତାଙ୍କୁ ଭୋକ ଲାଗେ, ସେ ପାଖରେ ଯାହା ବି ଦେଖନ୍ତି ଖାଇ ନିଅନ୍ତି ବୋଲି ଡାକ୍ତର କହିଛନ୍ତି ।
