ହାଇଦ୍ରାବାଦ: ଆପଣ ପ୍ରାୟତଃ ଲୋକଙ୍କୁ ସକାଳେ ଭିଜାଇଥିବା ବୁଟ ଚଣା ଖାଉଥିବା ଦେଖିଥିବେ । କିଛି ଲୋକ ଏହାକୁ ଜଳଖିଆ ପାଇଁ ରାତିରୁ ଭିଜେଇ ରଖିଥାନ୍ତି । ଏହାକୁ ସ୍ପ୍ରାଉଟ ବା ଗଜା ବୁଟ କରି ଅନେକ ଖାଆନ୍ତି । ଆପଣ ଜାଣନ୍ତି କି ପ୍ରତିଦିନ ଗୋଟିଏ ମୁଠା ଭିଜାଇଥିବା ବୁଟ ଖାଇବା ଦ୍ବାରା ଆମକୁ କି ଲାଭ ମିଳିଥାଏ । ଏବେ କୋରୋନା ସମୟ ଚାଲିଛି । ଏଭଳି ପରିସ୍ଥିତିରେ ଆମର ଆଭ୍ୟନ୍ତରୀଣ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ଜରୁରୀ ଅଟେ ।
ବୁଟରେ କାର୍ବୋହାଇଡ୍ରେଟ, ପ୍ରୋଟିନ, ଫାଇବର, କ୍ୟାଲସିୟମ, ମ୍ୟାଗ୍ନେସିୟମ, ଫସଫରସ, ପୋଟାସିୟମ ଏବଂ ଭିଟାମିନ ଏ, ବି, ସି, ଡି ଭରପୂର ରହିଛି । ଏହା ଆମ ସ୍ୱାସ୍ଥ୍ୟ ପାଇଁ ଅନେକ ଉପାୟରେ ଲାଭଦାୟକ ହୋଇଥାଏ ।
କର୍କଟ ରୋଗର ଆଶଙ୍କା କରେ ହ୍ରାସ
ବୁଟରେ ବଟାଇରେଟ ନାମକ ଏକ ଫ୍ୟାଟି ଏସିଡ ଥାଏ, ଯାହା କର୍କଟ ରୋଗ ସୃଷ୍ଟି କରୁଥିବା କୋଷଗୁଡ଼ିକୁ ଦୂର କରିବାରେ ସାହାଯ୍ୟ କରିଥାଏ ।
ରକ୍ତରେ ଶର୍କରା ନିୟନ୍ତ୍ରଣ
ରକ୍ତ ଶର୍କରାକୁ ନିୟନ୍ତ୍ରଣ କରିବା ପାଇଁ, ଭିଜାଇଥିବା ବୁଟ ଖାଇବା ଅତ୍ୟନ୍ତ ଲାଭଦାୟକ ଅଟେ । ଫାଇବର ଏବଂ ପ୍ରୋଟିନ ପରି ପୋଷକ ତତ୍ତ୍ୱରେ ପରିପୂର୍ଣ୍ଣ ଏହି ବୁଟ ରୋଗକୁ ଭଲ କରିଥାଏ ।
ଆଖି ପାଇଁ ଲାଭଦାୟକ
ବୁଟ ଆଖି ପାଇଁ ଅତ୍ୟନ୍ତ ଲାଭଦାୟକ, କାରଣ ଏଥିରେ କୈରୋଟିନ ଉପାଦାନ ମିଳିଥାଏ । ଏହି ଉପାଦାନ ମୁଖ୍ୟତଃ ଆଖି କୋଷଗୁଡ଼ିକୁ କ୍ଷତିରୁ ରକ୍ଷା କରିଥାଏ ।
ଓଜନ ହ୍ରାସ କରିବାରେ ସାହାଯ୍ୟକାରୀ
ଦୈନିକ ବୁଟ ଖାଇବା ଦ୍ୱାରା ଓଜନ ହ୍ରାସ କରିବାରେ ସାହାଯ୍ୟ କରିଥାଏ । ଏହା ହେଉଛି ଗ୍ଲାଇସେମାଇଣ୍ଡେକ୍ସ ନାମକ ଏକ ପୁଷ୍ଟିକର ଖାଦ୍ୟ, ଯାହା ଭୋକ କମାଇ ଓଜନ ହ୍ରାସ କରିବାରେ ସାହାଯ୍ୟ କରିଥାଏ ।
ତେବେ ଆଜି ହିଁ ଆପଣଙ୍କ ଦୈନନ୍ଦିନ ଜୀବନରେ ବୁଟକୁ ସାମିଲ କରନ୍ତୁ । ସୁସ୍ଥ ଓ ନିରୋଗ ରୁହନ୍ତୁ ।
