ନୂଆଦିଲ୍ଲୀ: ସରିଛି ରାମ ମନ୍ଦିରର ନିର୍ମାଣର ଭୂମିପୂଜା । ହେଲେ ମନ୍ଦିର ନିର୍ମାଣ ପାଇଁ ଦାନ ଆକାରରେ ଅର୍ଥ ସଂଗ୍ରହ ଆଗରେ ବାଧା ସାଜିଛି କୋରୋନା । ରାମ ମନ୍ଦିର ନିର୍ମାଣ ପାଇଁ ମହାମାରୀ କୋରୋନା କାରଣରୁ ଯଥେଷ୍ଟ ପରିମାଣରେ ଦାନ ସଂଗ୍ରହ କରାଯାଇ ନାହିଁ ବୋଲି ସୂଚନା ଦେଇଛନ୍ତି ଅଯୋଧ୍ୟା ରାମ ମନ୍ଦିର ଟ୍ରଷ୍ଟର ନିର୍ଦ୍ଦେଶକ ବିଶ୍ବପ୍ରସନ୍ନ ସ୍ବାମୀଜୀ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାମ ଜନ୍ମଭୂମିର ଭିତ୍ତିପ୍ରସ୍ତର ସ୍ଥାପନ କରିସାରିଛନ୍ତି । ମନ୍ଦିର କାର୍ଯ୍ୟ ଜାରି ରହିଛି । ହେଲେ ମହାମାରୀ କୋରୋନା ସଂକ୍ରମଣ ଯୋଗୁଁ ଦାନ ଅର୍ଥ ସଂଗ୍ରହ ହୋଇପାରୁନଥିବା ସ୍ବାମୀଜୀ ଜଣାଇଛନ୍ତି ।
ସ୍ବାମୀଜୀଙ୍କ କହିବା ଅନୁଯାୟୀ ଆଗାମୀ ଏକାଦଶୀରୁ ଏକ ଅଭିଯାନ ଆରମ୍ଭ ହେବ । ଏହି ଅଭିଯାନ ମାଧ୍ୟମରେ ଦାନ ସଂଗ୍ରହ କାର୍ଯ୍ୟକ୍ରମ ଆରମ୍ଭ ହେବ | କୋରୋନା ସଂକ୍ରମଣ ଯୋଗୁଁ ଏହାକୁ ସ୍ଥଗିତ ରଖାଯାଇଛି । ସମସ୍ତଙ୍କ ସହଯୋଗରେ ଏହି ମନ୍ଦିର ନିର୍ମାଣ ହେବ ବୋଲି ସେ ବିଶ୍ବାସ ରଖିଛନ୍ତି ।
