ଲକ୍ଷ୍ନୌ: ଗତକାଲି(ଅକ୍ଟୋବର 2) ସାରା ଦେଶ ପାଳିଛି ଗାନ୍ଧୀ ଜୟନ୍ତୀ । ଏହି ଅବସରରେ ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାପର୍ଣ କରିବା ସହ ଭାବବିହ୍ବଳ ହୋଇପଡିଛନ୍ତି ଉତ୍ତରପ୍ରଦେଶ ସମାଜବାଦୀ ପାର୍ଟିର ଜିଲ୍ଲାଧ୍ୟକ୍ଷ ଫିରୋଜ ଖାଁ । ଆଉ ପ୍ରତିମୂର୍ତ୍ତି ତଳେ ବସି ବାପୁଙ୍କୁ ମନେପକାଇ ଭୋ ଭୋ ହୋଇ କାନ୍ଦିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପଢନ୍ତୁ ସମ୍ପୁର୍ଣ୍ଣ ଖବର...
ମହାତ୍ମାଗାନ୍ଧୀଙ୍କ ଜୟନ୍ତୀ ଅବସରରେ ଗାନ୍ଧୀଙ୍କ ପ୍ରତିମୂର୍ତ୍ତି ତଳେ ସପା ଜିଲ୍ଲାଧ୍ୟକ୍ଷ କାନ୍ଧୁଥିବାର ଦେଖିବାକୁ ମିଳିଛି । ଏହି ଭିଡିଓଟି ସମ୍ଭଲର ଚନ୍ଦୌସୀ ଅଞ୍ଚଳର ଗତ ବୁଧବାର ଗାନ୍ଧୀଜୟନ୍ତି ଅବସରରେ ସପାର ଜିଲ୍ଲାଧ୍ୟକ୍ଷ ନିଜର କର୍ମୀଙ୍କ ସହ ଏକ ରାଲି କରି ମୁଖ୍ୟ ଚୌରାହେରେ ଥିବା ମହାତ୍ମା ଗାନ୍ଧୀଙ୍କ ପ୍ରତିମା ନିକଟରେ ପହଞ୍ଚିଥିଲେ । ଏହାପରେ ବାପୁଙ୍କ ପ୍ରତିମାକୁ ସଫା କରିବା ସହ ଫୁଲମାଳ ଦେଇଥିଲେ । ଏହାପରେ ଫିରୋଜଙ୍କ ସହ ତାଙ୍କ କର୍ମୀମାନେ ମଧ୍ୟ ରଡି ଛାଡି କାନ୍ଦିବା ଆମ୍ଭ କରିଦେଇଥିଲେ । ସେମାନେ କାନ୍ଦୁଥିଲେ ସତ କିନ୍ତୁ ଆଖିରୁ ଠୋପେ ଲୁହ ନ ବାହାରୁଥିବା ଦେଖି ସ୍ଥାନୀୟଲୋକେ ଏହା କେବଳ କୁମ୍ଭୀର କାନ୍ଦଣା ବୋଲି କହିଛନ୍ତି ।
ପୂର୍ବରୁ ସେ ରାମପୁର ଗସ୍ତରେ ଥିବାବେଳେ ବର ବେଶରେ ଯାଉଥିବାର ଦେଖିବାକୁ ମିଳିଥିଲା ଆଉ ଏହାର ଭିଡିଓ ମଧ୍ୟ ବେଶ ଭାଇରାଲ ହୋଇଥିଲା । ଆଉ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଲୋକେ ତାଙ୍କୁ ଟ୍ରୋଲ କରିବା ସହ କିଛି ଫନି କମେଣ୍ଟ କରିଛନ୍ତି ।
