ଭୋପାଳ: କଂଗ୍ରେସ ନେତା ତଥା ଭୋପାଲର ଲେକସଭା ପ୍ରାର୍ଥୀ ଦିଗବିଜୟ ସିଂହଙ୍କ ଭୋଟ ବର୍ଜନକୁ ନେଇ ସୃଷ୍ଟି ହୋଇଛି ରାଜନୈତିକ ଝଡ । ତାଙ୍କର ଏଭଳି କାର୍ଯ୍ୟକୁ କଡା ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲୋକତନ୍ତ୍ରର ମହାପର୍ବରେ ଭାଗ ନ ନେଇ ଦିଗବିଜୟ ବହୁତ ବଡ ପାପ କରିଥିବା ସେ କହିଛନ୍ତି ।
ମଧ୍ୟପ୍ରଦେଶର ରତଲାମ ଜିଲ୍ଲାରେ ଏକ ରାଲିକୁ ଉଦବୋଧନ ଦେଇ ମୋଦି କହିଛନ୍ତି, ଦିଗ୍ଗୀ ରାଜା ବହୁତ ବଡ ପାପ କରିଛନ୍ତି । ଦେଶର ରାଷ୍ଟ୍ରପତି, ଉପରାଷ୍ଟ୍ରପତି ଲାଇନ୍ରେ ଠିଆ ହୋଇ ଭୋଟ ଦେଇଥିଲେ । କିନ୍ତୁ ଦିଗ୍ଗୀ ରାଜା ଏହାର ଗୁରୁତ୍ୱ ବୁଝି ନ ପାରିବା ଲଜ୍ଜ୍ୟାର ବିଷୟ ବୋଲି ମୋଦି କହିଛନ୍ତି ।
ସୂଚନାଯୋଗ୍ୟ, କଂଗ୍ରେସ ନେତା ଦିଗ୍ବିଜୟ ସିଂହ ରବିବାର ଅନୁଷ୍ଠିତ ହୋଇଥିବା ଷଷ୍ଠ ପର୍ଯ୍ୟାୟ ନିର୍ବାଚନରେ ଭୋଟ ଦେବାର ଥିଲା। ତାଙ୍କ ନାଁ ମଧ୍ୟପ୍ରଦେଶର ରାଜଗଡ ଲୋକସଭା କ୍ଷେତ୍ର ଅଧିନରେ ଆସୁଥିବା ତାଙ୍କର ପୈତୃକ ଗ୍ରାମ ରାଧୌଗଡ଼ରେ ପଞ୍ଜିକରଣ ହୋଇଛି । ହେଲେ ଦିଗ୍ବିଜୟ ସେଠାକୁ ଯାଇ ଭୋଟ ଦେଇ ନାହାଁନ୍ତି ।
