କୋଲକାତା: ପ୍ରଧାନମନ୍ତ୍ରୀ ମୋଦି ଗୁରୁବାର ପଶ୍ଚିମବଙ୍ଗର ବଙ୍କୁରା ଓ ପୁରୁଲିଆରେ ଜନସଭାକୁ ସମ୍ବୋଧିତ କରିଥିବାବେଳେ ଦିଦିଙ୍କ ଚାପୁଡା ତାଙ୍କ ପାଇଁ ଆଶୀର୍ବାଦ ବୋଲି କହିଛନ୍ତି ।
ମୋଦି କହିଛନ୍ତି ଯେ ମୁଁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଦିଦି କହି ଆଦର କରୁଛି କିନ୍ତୁ ସେ ମୋତେ ଚାପୁଡା ମାରିବାକୁ ଚାହୁଁଛନ୍ତି । ମମତାଙ୍କ ଚାପୁଡା ଖାଇବାକୁ ପ୍ରସ୍ତୁତ ଥିବା କଥା ମୋଦି କହିଥିବାବେଳେ ଦିଦିଙ୍କ ଚାପୁଡା ତାଙ୍କ ପାଇଁ ଆଶୀର୍ବାଦ ହେବ ବୋଲି ମୋଦି କହିଛନ୍ତି ।
ଦୁଇ ଦିନ ପୂର୍ବରୁ ତଥା ମେ 7 ତାରିଖରେ ପୁରୁଲିଆର ଏକ ସଭାରେ ମମତା ମୋଦିଙ୍କ ବିରୋଧରେ କଡା ଭାଷା ପ୍ରୟୋଗ କରିବା ସହ ମୋଦିଙ୍କୁ ଲୋକତନ୍ତ୍ରର ଚାପୁଡା ମାରିବେ ବୋଲି କହିଥିଲେ ।
ମୋଦି ଆଜି ସଂଧ୍ୟାରେ ଉତ୍ତରପ୍ରଦେଶର ଆଜମଗଡ, ଜୌନପୁର ଓ ପ୍ରୟାଗରାଜରେ ବି ଜନସଭାକୁ ସମ୍ବୋଧନ କରିବା କାର୍ଯ୍ୟକ୍ରମ ରହିଛି ।
