ଭୋପାଳ: ସବୁଠି ହୋଲିର ଆସର । ଦେଶର ସବୁଆଡେ ମାର୍ଚ୍ଚ 10 ମଙ୍ଗଳବାର ହୋଲି ପର୍ବ ପାଳନ ହେଉଥିବାବେଳେ ମଧ୍ୟପ୍ରଦେଶର ଉଜୈନ ସ୍ଥିତ ପ୍ରସିଦ୍ଧ ମହାକାଳ ମନ୍ଦିରରେ ଦିନକ ପୂର୍ବରୁ ହୋଲି ଉତ୍ସବ ପାଳନ ହୋଇଛି । ଏଠାକାର ପରମ୍ପରା ଅନୁସାରେ ସନ୍ଧ୍ୟା ଆଳତୀ ପରେ ବାବା ମହାକାଳ ହୋଲି ଖେଳିଥାନ୍ତି । ସେନେଇ ସୋମବାର ଆଳତୀ ପରେ ପୂଜକ ବାବା ମହାକାଳଙ୍କ ସହିତ ରଙ୍ଗ ଓ ଫୁଲରେ ହୋଲି ଖେଳିଛନ୍ତି ।
ଏହାପରେ ମନ୍ଦିର ପରିସରରେ ହଜାର ହଜାର ଭକ୍ତ ପରସ୍ପରକୁ ରଙ୍ଗ ଲଗାଇ ହୋଲି ଖେଳିଥିଲେ । ଯାହାକୁ ଦେଖିବା ପାଇଁ ପ୍ରତ୍ୟେକ ବର୍ଷ ପରି ଚଳିତଥର ମଧ୍ୟ ବହୁ ଶ୍ରଦ୍ଧାଳୁଙ୍କ ଆଗମନ ହୋଇଥିଲା । ଏହାପରେ ମନ୍ତ୍ରୋଚାରଣ ପରେ ହୋଲିକା ଦହନ କରାଯାଇଥିଲା ।
ତେବେ କୋରୋନା ଭୟ ଚାରିଆଡେ ଛାଇ ଜାଇଥିବାରୁ ଚଳିତବର୍ଷ ବେଶୀ ଅବିର, ହର୍ବାଲ ରଙ୍ଗ ଓ ଫୁଲରେ ହୋଲି ଖେଳୁଥିବା ଦେଖିବାକୁ ମିଳୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
